బాలీవుడ్ నటుడు సంజయ్దత్ ను తిరిగి జైలుకు పంపితే తమకు ఎటువంటి అభ్యంతరం లేదని కోర్టుకు స్పష్టం చేసింది మహారాష్ట్ర ప్రభుత్వం. టాడా కేసులో శిక్షను ఎదుర్కొని ఇటీవలే సంజయదత్ జైలు నుంచి బయటకు వచ్చాడు. కోర్టు విధించిన శిక్షకాలం పూర్తి కాకుండానే, ఎనిమిది నెలలు ముందే దత్ జైలు నుంచి బయటకు వచ్చాడు. పుణే సమీపంలోని ఎరవాడ జైల్లో దత్ శిక్ష అనుభవించాడు. అయితే సత్ప్రవర్తన కింద దత్ శిక్షకాలం పూర్తి కాకుండానే జైలు నుంచి విడుదల అయ్యాడు.
దీనిపై కొన్నాళ్ల కిందట దుమారం రేగింది. దత్ ను అక్రమంగా విడుదల చేశారని, నిబంధనలను పట్టించుకోకుండా.. సత్ప్రవర్తన పేరుతో బయటకు వదిలారని బాంబే హై కోర్టులో ఇటీవల ఒక పిటిషన్ దాఖలు అయ్యింది. ఈ విషయంలో ప్రభుత్వాన్ని కూడా ప్రతివాదిగా చేర్చారు. దీనిపై కోర్టు వివరణ అడుగగా.. ప్రభుత్వం స్పందించింది.
ఒకవేళ నిబంధనలను అతిక్రమించి, సంజయ్ దత్ ను పక్షపాతంతో బయటకు పంపినట్టుగా కోర్టుకు అనిపించి, దత్ ఎగ్గొట్టిన శిక్షకాలాన్ని అనుభవించాలని కోర్టు భావిస్తే.. ఆయనను తిరిగి జైలుకు పంపడానికి తమకేం అభ్యంతరం లేదని మహారాష్ట్ర ప్రభుత్వం తెలిపింది. జైలు నుంచి విడుదల అయిన తర్వాత దత్ కుటుంబంతో విహారంలో ఉన్నాడు. తిరిగి సినిమాలతో బిజీ అయిపోయే యత్నంలో ఉన్నాడు. ఈ నేపథ్యంలో ఇప్పుడు కోర్టు ఎలాంటి తీర్పునిస్తుందనేది ఆసక్తికరంగా మారింది.
దీనిపై కొన్నాళ్ల కిందట దుమారం రేగింది. దత్ ను అక్రమంగా విడుదల చేశారని, నిబంధనలను పట్టించుకోకుండా.. సత్ప్రవర్తన పేరుతో బయటకు వదిలారని బాంబే హై కోర్టులో ఇటీవల ఒక పిటిషన్ దాఖలు అయ్యింది. ఈ విషయంలో ప్రభుత్వాన్ని కూడా ప్రతివాదిగా చేర్చారు. దీనిపై కోర్టు వివరణ అడుగగా.. ప్రభుత్వం స్పందించింది.
ఒకవేళ నిబంధనలను అతిక్రమించి, సంజయ్ దత్ ను పక్షపాతంతో బయటకు పంపినట్టుగా కోర్టుకు అనిపించి, దత్ ఎగ్గొట్టిన శిక్షకాలాన్ని అనుభవించాలని కోర్టు భావిస్తే.. ఆయనను తిరిగి జైలుకు పంపడానికి తమకేం అభ్యంతరం లేదని మహారాష్ట్ర ప్రభుత్వం తెలిపింది. జైలు నుంచి విడుదల అయిన తర్వాత దత్ కుటుంబంతో విహారంలో ఉన్నాడు. తిరిగి సినిమాలతో బిజీ అయిపోయే యత్నంలో ఉన్నాడు. ఈ నేపథ్యంలో ఇప్పుడు కోర్టు ఎలాంటి తీర్పునిస్తుందనేది ఆసక్తికరంగా మారింది.