జీన్స్ వేసుకుని కేసు విచారణకు హాజరైన ఓ సీనియర్ లాయర్‌ను న్యాయమూర్తి బయటకు పంపించిన ఘటన గువహటి హైకోర్టులో శుక్రవారం చోటుచేసుకుంది. ఓ కేసులో ముందస్తు బెయిల్ పిటిషన్‌ విచారణకు పిటిషనర్ తరఫున సీనియర్ న్యాయవాది బీకే మహాజన్ హాజరయ్యారు. ఈ సందర్శంగా ఆయన జీన్స్ దుస్తులు ధరించి కోర్టు హాలులోకి వెళ్లారు. అయితే, ఆయన వస్త్రధారణను గమనించిన జస్టిస్‌ కళ్యాణ్‌రాయ్‌ సురానా నేతృత్వంలోని ధర్మాసనం వెంటనే పోలీసులను పిలిచి, న్యాయవాదిని కోర్టు నుంచి బయటకు పంపాలని ఆదేశించింది. ఇదే కారణంగా విచారణను వారం వాయిదా వేస్తున్నట్లు జస్టిస్‌ సురానా తన ఉత్తర్వుల్లో పేర్కొన్నారు.
జీన్స్ వేసుకుని హాజరైన లాయర్.. విచారణ ఆపేసి బయటకు పంపిన జడ్జ్
కోర్టులో కేసుల విచారణకు హాజరయ్యే న్యాయవాదులు, సిబ్బంది దుస్తుల విషయంలో హుందాగా ఉండాలి. జీన్స్, టీషర్టులతో కోర్టుకు వస్తే బయటకు పంపేస్తారనడానికి ఈ ఘటనే ఉదాహరణ. ఆయన ఓ సీనియర్ లాయర్.. అయినా సరే జీన్స్ వేసుకుని విచారణకు హజరయ్యారు. దీనిని గమనించి జడ్జ్.. కేసు విచారణ ఆపేసి.. ఆయనను బయటకు పంపేశారు. ఈ కారణంతో వారం రోజుల పాటు కేసు విచారణ వాయిదా వేస్తున్నట్టు సదరు జడ్జ్ పేర్కొన్నారు.
ప్రధానాంశాలు:
- బెయిల్ కేసు విచారణకు హాజరైన లాయర్
- జీన్స్ వేసుకున్నారని పోలీసులకు ఫిర్యాదు
- గువహటి హైకోర్టులో ఊహించని అనుభవం
