సీనియర్ న్యాయవాది ముకుల్ రోహత్గి (67) మరోసారి అటార్నీ జనరల్ (ఏజీ)గా బాధ్యతలు స్వీకరించే అవకాశం ఉందని ప్రభుత్వ వర్గాలు వెల్లడించాయి. ప్రస్తుత ఏజీ కేకే వేణుగోపాల్ రిటైర్మెంట్‌ తర్వాత ఆయన స్థానంలో తిరిగి రోహత్గి బాధ్యతలను చేపట్టనున్నారని తెలిపాయి. గతంలో ఏజీగా పనిచేసిన రోహత్గి 2017లో బాధ్యతల నుంచి తప్పుకోవడంతో 15వ అటార్నీ జనరల్‌గా కేకే వేణుగోపాల్‌ను కేంద్ర ప్రభుత్వం నియమించింది. ఆ తర్వాత ఏజీ వేణుగోపాల్ పదవీకాలాన్ని పొడిగించారు. అది కూడా ఈ ఏడాది సెప్టెంబర్‌ 30తో ముగియనుండగా.. మరోసారి రోహత్గివైపే ప్రభుత్వం మొగ్గుచూపినట్టు సమాచారం.
ఏజీగా 2017లో ముకుల్ రోహత్గీ బాధ్యతల నుంచి తప్పుకున్నా జమ్మూ కశ్మీర్‌కు ప్రత్యేక హోదా కల్పించే ఆర్టికల్ 370 రద్దు వంటి పలు సున్నితమైన న్యాయ అంశాల్లో ఆయన సలహాలను తీసుకున్నట్టు విశ్వసనీయ వర్గాలు తెలిపాయి. 2014లో బీజేపీ అధికారంలోకి వచ్చిన తర్వాత రోహత్గీ ఏజీగా నియమితులయ్యారు. దేశంలోనే అత్యంత పేరుమోసిన లాయర్లలో ఒకరైన రోహిత్గీ అనేక కీలక కేసులను ఛాలెంజ్‌గా తీసుకుని విజయం సాధించారు. 2002 నాటి గుజరాత్ అల్లర్ల కేసులో ప్రభుత్వ తరఫున వాదనలు వినిపించారు. అలాగే, జాతీయ జ్యుడీషియల్ అపాయింట్‌మెంట్ కమిషన్ కేసు, గతేడాది డ్రగ్స్ కేసులో అరెస్టయిన బాలీవుడ్ నటుడు షారుక్ ఖాన్ తనయుడు ఆర్యన్ ఖాన్ తరఫున వాదించారు.
ఏజీగా 2017లో ముకుల్ రోహత్గీ బాధ్యతల నుంచి తప్పుకున్నా జమ్మూ కశ్మీర్‌కు ప్రత్యేక హోదా కల్పించే ఆర్టికల్ 370 రద్దు వంటి పలు సున్నితమైన న్యాయ అంశాల్లో ఆయన సలహాలను తీసుకున్నట్టు విశ్వసనీయ వర్గాలు తెలిపాయి. 2014లో బీజేపీ అధికారంలోకి వచ్చిన తర్వాత రోహత్గీ ఏజీగా నియమితులయ్యారు. దేశంలోనే అత్యంత పేరుమోసిన లాయర్లలో ఒకరైన రోహిత్గీ అనేక కీలక కేసులను ఛాలెంజ్‌గా తీసుకుని విజయం సాధించారు. 2002 నాటి గుజరాత్ అల్లర్ల కేసులో ప్రభుత్వ తరఫున వాదనలు వినిపించారు. అలాగే, జాతీయ జ్యుడీషియల్ అపాయింట్‌మెంట్ కమిషన్ కేసు, గతేడాది డ్రగ్స్ కేసులో అరెస్టయిన బాలీవుడ్ నటుడు షారుక్ ఖాన్ తనయుడు ఆర్యన్ ఖాన్ తరఫున వాదించారు.