నోట్ల మార్పిడి: ఆర్బీఐ సీనియర్ అధికారి అరెస్ట్

అక్రమంగా రూ. 1.50 కోట్ల పాత నోట్లను కొత్త కరెన్సీగా మారుస్తున్న 9 మందిని సీబీఐ అధికారులు బెంగళూరులో అరెస్టు చేసారు. అయితే వీరిలో ఓ భారతీయ రిజర్వ్ బ్యాంక్ సీనియర్ అధికారి ఉన్నట్లు తెలుస్తోంది. అతను బెంగళూరు బ్రాంచిలో స్పెషల్ అసిస్టెంట్‌గా పనిచేస్తున్న కె. మైఖేల్ అని సీబీఐ వర్గాలు వెల్లడించాయి. అయితే అధికారికంగా ధ్రువీకరించాల్సి ఉంది.

ఆర్బీఐ అధికారి మినహా మిగిలిన ఎనిమిది మంది మధ్యవర్తులని, కమీషన్ కోసం అడ్డదారిలో రద్దుచేసిన పాత నోట్లను కొత్త నోట్లుగా మారుస్తున్నారని సీబీఐ అధికారులు వెల్లడించారు. అధికారులు దాడిచేసిన సమయంలో వారి నుంచి రూ. 1కోటి నగదు దొరికినట్లు సమాచారం. పాత నోట్లను కొత్తవిగా మార్చేందుకు ఈ ఎనిమిది మంది 15 నుంచి 30 శాతం కమీషన్ తీసుకుంటున్నట్లు తెలుస్తోంది. ఈ ఎనిమిది మందిలో ఒక వ్యక్తి ఓ ప్రభుత్వ ఉద్యోగికి బంధువుని సమాచారం. అయితే ఆ ఉద్యోగి ఎవరు అనే విషయం ఇంకా తెలియ రాలేదు.