Prayagraj Sweeper: ఖాతాలో కళ్లు చెదిరే డబ్బు.. అనుభవించకుండానే పోయిన బిచ్చగాడు

Prayagraj Sweeper: ఉత్తరప్రదేశ్‌లో ఓ వ్యక్తి స్వీపర్ ఉద్యోగం చేసి పదేళ్లుగా తన బ్యాంకు ఖాతాలో పడిన జీతం నుంచి ఒక్క పైసా కూడా తీయలేదు. భిక్షాటనతో వచ్చిన డబ్బుతోనే కాలం గడిపేశాడు. ఇప్పుడా వ్యక్తి చనిపోయాడు. అతని ఖాతాలో కళ్లు చెదిరేంత డబ్బు ఉంది. ప్రయాగరాజ్‌కు చెందిన ధీరజ్ కుష్టు వ్యాధి ఆస్పత్రిలో స్వీపర్‌గా పనిచేసేవాడు. ఆ ఉద్యోగం అతని తండ్రి మరణాంతరం పొందాడు. అయితే ధీరజ్ తన జీతం డబ్బును బ్యాంక్‌ నుంచి తీసుకోలేదు. పదేళ్ల నుంచి పైసా కూడా తీసుకోలేదు. తన అవసరాల భిక్షాటన చేసుకునేవాడు. వచ్చి ఆ డబ్బుతో బతికేవాడు. ప్రతి ఏటా ఐటీ రిటర్న్స్‌ మాత్రం ఫైల్ చేసేవాడు. అయితే ధీరజ్ అనూహ్యంగా ఆదివారం తెల్లవారుజామున ప్రాణాలు కోల్పోయాడు. ఇప్పుడు ఆయన అకౌంట్‌లో రూ.70 లక్షలు ఉంది.

తండ్రి బాటలోనే..
విచిత్రం ఏమిటంటే ధీరజ్ తండ్రి కూడా ఇలాగే చేశాడు. తన జీతం డబ్బును వాడకుండా.. రోడ్డుపై భిక్షాటన చేసుకుంటూ జీవించాడు. ధీరజ్ కూడా అదే కొనసాగించాడు. అందరూ ఇచ్చిన డబ్బుతో, 80 ఏళ్ల తన తల్లికి వచ్చిన పెన్షన్‌ డబ్బులతో ఇద్దరు బతికేశారు. ప్రతి నెలా వచ్చిన జీతం డబ్బును ఖాతా నుంచి తీయకపోవడంతో.. అవి ఏకంగా లక్షలాది రూపాయలు అయ్యాయి. ఆ డబ్బు గురించి కొన్ని నెలల కిందట ఐటీ అధికారులు ధీరజ్‌ని ప్రశ్నించారు. ధీరజ్ చెప్పిన సమాధానంతో వారు వదిలేశారు. అప్పుడే ధీరజ్ వార్తల్లో నిలిచాడు. జీతంలో పైసా కూడా తీయని వ్యక్తిగా హాట్‌టాపిక్ అయ్యాడు.

డబ్బు కోసమే పెళ్లి వద్దనుకున్నాడు..
ఇంకా విచిత్రమేమిటంటే.. తన దగ్గర డబ్బు గురించి.. వాటితో పారిపోతుందేమోననే భయంతో ధీరజ్ పెళ్లి కూడా చేసుకోలేదు. తల్లితో మాత్రమే ఉంటున్నాడు. దురదృష్ట వశాత్తు ధీరజ్ క్షయ వ్యాధితో బాధపడుతూ ఆదివారం చనిపోయాడు. ధీరజ్‌ చనిపోయాక బ్యాంకు ఖాతాలో రూ.70 లక్షలు ఉన్నట్లు తెలిసిందని అతడి స్నేహితుడు వెల్లడించాడు. ఇది తెలిసినవారంతా.. లక్షలు కూడబెట్టినా ఏ ప్రయోజనం అనుభవించకుండానే పోయాడనుకుంటున్నారు.

Read Also:ప్రాణాలనే పణంగా పెట్టింది... ఆ బిడ్డ తల్లి ధైర్యానికి సాహో అనాల్సిందే..!