మహారాష్ట్ర సీఎం ఉద్దవ్ థాక్రే ముఖ్యమంత్రి పదవికి రాజీనామా చేస్తున్నట్లు ప్రకటించారు. గవర్నర్ ప్రకటన ప్రకారమే మహారాష్ట్ర అసెంబ్లీలో శుక్రవారం బలపరీక్ష నిర్వహించాలన్న సుప్రీం కోర్టు తీర్పు వెలువరించిన కాసేపటికే సీఎం ఉద్దవ్ థాక్రే ఈ నిర్ణయం తీసుకున్నారు. బలపరీక్షకు ముందే ఉద్ధవ్ రాజీనామా చేయడం విశేషం. సీఎం పదవితోపాటు ఎమ్మెల్సీ పదవికి సైతం థాక్రే రాజీనామా చేశారు. గతంలో కర్ణాటక సీఎం పదవికి యడ్యూరప్ప సైతం ఇదే తరహాలో బలనిరూపణకు కాసేపటి ముందు రాజీనామా చేసిన సంగతి తెలిసిందే.
ప్రభుత్వ ఏర్పాటు విషయంలో తమకు సహకరించిన ఎన్సీపీ, కాంగ్రెస్‌కు శివసేన అధినేత ధన్యవాదాలు తెలిపారు. ఔరంగాబాద్ పేరును అధికారికంగా శంభాజీ నగర్‌గా మార్చడం.. ఉస్మానాబాద్‌ను ధారాశివ్‌గా మార్చడం సంతృప్తిని ఇచ్చిందని ఉద్ధవ్ తెలిపారు. ఈ పట్టణాలకు కొత్త పేర్లను ఇంతకు ముందు ఉద్దవ్ తండ్రి బాలాసాహెబ్ థాక్రే పెట్టగా.. ఇప్పుడు ఉద్ధవ్ వాటికి అధికారికంగా ఆమోద ముద్ర వేశారు.
ప్రభుత్వ ఏర్పాటు విషయంలో తమకు సహకరించిన ఎన్సీపీ, కాంగ్రెస్‌కు శివసేన అధినేత ధన్యవాదాలు తెలిపారు. ఔరంగాబాద్ పేరును అధికారికంగా శంభాజీ నగర్‌గా మార్చడం.. ఉస్మానాబాద్‌ను ధారాశివ్‌గా మార్చడం సంతృప్తిని ఇచ్చిందని ఉద్ధవ్ తెలిపారు. ఈ పట్టణాలకు కొత్త పేర్లను ఇంతకు ముందు ఉద్దవ్ తండ్రి బాలాసాహెబ్ థాక్రే పెట్టగా.. ఇప్పుడు ఉద్ధవ్ వాటికి అధికారికంగా ఆమోద ముద్ర వేశారు.