యాప్నగరం

సమాజ్‌వాదీలో చీలిక.. ములాయం సోదరుడు శివపాల్ కొత్త పార్టీ

సమాజ్‌వాదీ పార్టీలో ఇంటిపోరుతో చీలిక వచ్చింది. ములాయం సోదరుడు శివపాల్ సింగ్ పార్టీకి షాకిచ్చారు. తాను సమాజ్ వాదీ నుంచి తప్పుకుంటున్నట్లు ప్రకటించారు. కొత్త పార్టీని పెడుతున్నట్లు ప్రకటించిన ఆయన.. ఆ పార్టీకి సమాజ్ వాదీ సెక్యులర్ మోర్చాగా పేరు పెట్టారు.

Samayam Telugu 29 Aug 2018, 3:59 pm
సమాజ్‌వాదీ పార్టీలో ఇంటిపోరుతో చీలిక వచ్చింది. ములాయం సోదరుడు శివపాల్ సింగ్ పార్టీకి షాకిచ్చారు. తాను సమాజ్ వాదీ నుంచి తప్పుకుంటున్నట్లు ప్రకటించారు. కొత్త పార్టీని పెడుతున్నట్లు ప్రకటించిన ఆయన.. ఆ పార్టీకి సమాజ్ వాదీ సెక్యులర్ మోర్చాగా పేరు పెట్టారు. తనకు మద్దతు పలికేవారంతా తన వెంట నడవాలని పిలుపునిచ్చారు. పార్టీలో గౌరవం దక్కనివారు.. ప్రాధాన్యం ఇవ్వని వారంతా తనతో రావాలంటూ ఆహ్వానం పలికారు. పార్టీని వీడటంపై కూడా శివపాల్ స్పందించారు. తనకు పార్టీలో పని కల్పించడం లేదని.. అందుకే కొత్త పార్టీ పెట్టాలని నిర్ణయానికి వచ్చానన్నారు. సమాజ్ వాదీ పార్టీ మొత్తం ఐక్యంగా ఉండాలని భావించానని.. దీని కోసం ఎన్నో రోజులు ఎదురు చూశానని చెప్పుకొచ్చారు.
Samayam Telugu Shivapal


శివపాల్ ప్రకటన ఇప్పుడు సమాజ్‌వాదీలో కలకలంరేపింది. పార్టీలో ఎవరు ఉంటారు.. ఎవరు ఆయన వెంట నడుస్తారన్నది ఆసక్తిగా మారింది. ఈ హఠాత్ పరిణామంతో ములాయం, అఖిలేష్‌లు కూడా షాక్‌లో ఉన్నారు. అలాగే శివపాల్ ప్రకటనతో పార్టీ నుంచి నేతలు జారిపోకుండా జాగ్రత్తలు తీసుకొనే పనిలో ఉన్నారట. అంతేకాదు లోక్‌సభ ఎన్నికలకు సమాయత్తం అవుతున్న సమయంలో శివపాల్ పార్టీ నుంచి వైదొలగడం సమాజ్ వాదీకి ఎదురు దెబ్బనంటున్నారు రాజకీయ విశ్లేషకులు.

రెండేళ్లగా బాబాయ్ శివపాల్.. అబ్బాయ్ అఖిలేష్‌ల మధ్య వార్ నడుస్తోంది. పార్టీ రాష్ట్ర యూనిట్ అధ్యక్ష పదవి నుంచి శివపాల్‌ను తప్పించడంతో మొదట వివాదం మొదలయ్యింది. తర్వాత అఖిలేశ్‌, ములాయంల మధ్య కూడా తేడాలు వచ్చాయి. అప్పటి నుంచి శివపాల్‌ పార్టీతో అంటీముట్టనట్లే ఉంటున్నారు. గత నెలలో జరిగిన పార్టీ జాతీయ ఎగ్జిక్యూటివ్‌ సమావేశానికి కూడా డుమ్మా కొట్టారు. ఇప్పుడు కొత్త పార్టీ పెట్టబోతున్నట్లు ప్రకటించి షాకిచ్చారు.
Read This Story In English

తరవాత కథనం

Telugu News App: ఏపీ, తెలంగాణకు సంబంధించిన లేటెస్ట్ అప్‌డేట్స్‌, జాతీయ, అంతర్జాతీయ, ఎడ్యుకేషన్, బిజినెస్, సినిమా, ఆధ్యాత్మికం, స్పోర్ట్స్, వైరల్ కథనాల కోసం తెలుగు సమయం యాప్‌ను డౌన్‌లోడ్ చేసుకోండి.
తాజా వార్తల అప్డేట్ల కోసం Samayam Telugu ఫేస్‌బుక్పేజీను లైక్ చెయ్యండి.