అమ్మ బతికే ఉంటే జైలుకు వెళ్లేవారా?

అక్రమాస్తుల కేసులో సుప్రీంకోర్టు మంగళవారం అన్నాడీఎంకే ప్రధాన కార్యదర్శి వీకే శశికళను దోషిగా ప్రకటించింది ఆమెతో పాటు దివంగత సీఎం జయలలిత, శశికళ బంధువులు ఇళవరసి, సుధాకర్ లను కూడా దోషులుగా ఉన్నత న్యాయస్థానం ప్రకటించింది.

జయలలిత చనిపోవడంతో మిగిలిన ముగ్గురు (శశికళ, ఇళవరసి, సుధాకరన్) నాలుగేళ్ల పాటు జైలు జీవితం గడపాల్సి ఉంది. ఒక్కొక్కరు రూ.10కోట్ల మేర జరిమానా కట్టాలి. దీంతో పాటు శశికళ పదేళ్లపాటు ఎన్నికల్లో పోటీ చేయకుండా నిషేదం విధించింది కోర్టు.

అయితే జయలలిత బతికి ఉంటే ఆమె కూడా జైలుకు వెళ్లేవారని న్యాయనిపుణులు అభిప్రాయపడుతున్నారు. ఈ కేసులో ఆమె ఇది వరకే రెండు సార్లు జైలు జీవితం గడిపారు. అక్రమాస్తుల కేసులో జయ ఏ వన్ గా ఉన్నారు. సీఎంగా ఉండి అక్రమాస్తు కేసును కొంతకాలంపాటు వాయిదా వేయించేవారేమోకానీ..జైలు జీవితం మాత్రం తప్పకపోయేది అనేది న్యాయ నిపుణుల మాట.

రామ్ గోపాల్ వంటి వారు కూడా ఇదే విషయాన్ని హైలైట్ చేస్తున్నారు. సుప్రీంకోర్టు తీర్పు నేపథ్యంలో అన్నాడీఎంకే కార్యకర్తలు సంబరాలు చేసుకుంటున్నారు. కానీ ఇదే కేసులో ప్రథమ ముద్దాయిగా ఉన్న జయలలిత బతికుంటే ఆమె కూడా జైలుకే వెళ్లేది అని ఆర్జీవీ ట్వీట్ చేశారు. అంతేకాదు ప్రాణసఖి శశికళ జైల్లో ఉంటే జయలలిత ఆత్మ సంతోషించందని అన్నారు.

AIDMK ppl celebrating SupremeCourt's verdict have forgotten Jayalalithaa was prime accused .If she was alive she'd have been jailed as well — Ram Gopal Varma (@RGVzoomin) February 14, 2017
మరోవైపు ప్రేమికుల రోజునే శశికళపై సుప్రీంకోర్టు తీర్పు వెలువరించడం అనేది రాష్ట్రప్రజలకు గొప్ప బహుమతి వంటిదని సినీనటి కుష్బూ వ్యాఖ్యానించారు.

ఈ తీర్పు మన్నార్ గుడి మాఫియా (శశికళ)ను రాష్ట్రాన్ని రక్షించినట్లైందని రాజ్యసభ ఎంపీ శశికళ పుష్ప వ్యాఖ్యానించారు.

అవినీతికి పాల్పడినందుకే శశికళకు ఈ శిక్ష పడిందని నటి గౌతమి అన్నారు. అమ్మ మరణంపై ఆమె నిజం చెప్పాలని డిమాండ్ చేశారు.