తనపై బీజేపీ జాతీయ అధ్యక్షుడు అమిత్ షా చేసిన వ్యాఖ్యలపై కర్ణాటక సీఎం సిద్ధరామయ్య ప్రతిదాడికి దిగారు. సిద్ధరామయ్య అంటేనే అవినీతికి కేరాఫ్ అడ్రస్ అంటూ అమిత్ షా పేర్కొనగా...దమ్ముంటే ఆధారాలు చూపాలని సిద్ధరామయ్య సవాల్ చేశారు. జైలుకు వెళ్లొచ్చిన అమిత్ షా మరో జైలు పక్షి అయిన యడ్యూరప్పను కర్ణాటక సీఎం అభ్యర్థిగా బరిలోకి దించాలని చూడడం సిగ్గుచేటని అన్నారు. అమిత్ షా, యడ్యూరప్పలు ఇద్దరు మాజీ జైలు పక్షులు అంటూ సిద్ధరామయ్య చేసిన ట్వీట్ హాట్ టాపిక్ గా మారింది. సోహ్రాబుద్దీన్ ఎన్ కౌంటర్ కేసులో కొన్నాళ్ల పాటు అమిత్ షా జైలు జీవితం గడపగా, ముఖ్యమంత్రిగా ఉంటూ ముడుపులు తీసుకొని భూ కేటాయింపులు జరిపారనే ఆరోపణలపై యడ్యూరప్ప కూడా జైలుకు వెళ్లి వచ్చారు.
అమిత్ షా, యడ్యూరప్ప జైలు పక్షులు
జైలుకు వెళ్లొచ్చిన అమిత్ షా మరో జైలు పక్షి అయిన యడ్యూరప్పను కర్ణాటక సీఎం అభ్యర్థిగా బరిలోకి దించాలని చూడడం సిగ్గుచేటని అన్నారు
TNN 26 Jan 2018, 2:43 pm