ముద్దు పెట్టి సారీ చెప్పిన సింగర్

హద్దులు దాటి ఓ మైనర్ బాలికను ముద్దు పెట్టుకున్నందుకు బాలీవుడ్ సింగర్ 'పాపన్ మహంత' క్షమాపణలు చెప్పారు. రియాల్టీ షో అయిన " ది వాయిస్ ఆఫ్ ఇండియా కిడ్స్ సెషన్ 2 " ప్రోగ్రాంకు జ్యూరీగా వ్యవహరిస్తున్న పాపన్ హోలీ సెలెబ్రేషన్స్‌లో భాగంగా పోగ్రాంలో రియాల్టీ షోలో పాల్గొన్న మైనర్ బాలికలతో కాసేపు సరదాగా గడిపారు. ఈక్రమంలో హోలీ రంగులు పూస్తూ ఓ మైనర్ బాలిక పెదాలపై ముద్దు పెట్టుకున్నాడు. ఈ వీడియో వైరల్ అయింది. 'నేషనల్ కమిషన్ ఫర్ చైల్డ్ ప్రొటెక్షన్ ఆఫ్ చైల్డ్ రైట్స్' వద్ద 'చైల్డ్ ప్రొటెక్షన్ యాక్ట్' కింద ఓ న్యాయవాది కేసు నమోదు చేశారు.

నష్టనివారణ చర్యల్లో భాగంగా పాపన్ తరపు న్యాయవాది రంగంలోకి దిగారు. సోషల్ మీడియాలో వైరల్ అవుతున్న వీడియోను పాపన్ స్వయంగా తన ఫేస్‌బుక్ పేజీలో పోస్టు చేశారని చెప్పారు. తప్పుడు ఉద్దేశ్యం ఉంటే ఎందుకు పోస్ట్ చేస్తారని అన్నారు. హోలీసెలెబ్రేషన్స్‌లో యాదృచ్చికంగా అమ్మాయిని ముద్దుపెట్టుకున్నారే తప్ప తప్పుడు ఉద్దేశ్యంతో కాదని అన్నారు. మైనర్ బాలిక తండ్రి కూడా ఈ ఘటనను తప్పుపట్టడం లేదని చెప్పారు. గురుశిష్యుల బంధంగా ఆయన చూస్తున్నారని చెప్పారు.

పెదాలపై ముద్దు పెట్టి హద్దులు దాటినట్లు వీడియో ఆధారంగా తేలింది కాబట్టి కేసును నమోదు చేసుకున్నట్లు 'నేషనల్ కమిషన్ ఫర్ చైల్డ్ ప్రొటెక్షన్ ఆఫ్ చైల్డ్ రైట్స్' తెలిపింది. విచారణ జరిపిన అనంతరం తదుపరి చర్యలు తీసుకుంటామని చెప్పింది.

ఈ నేపథ్యంలో పాపన్ సోషల్ మీడియా ద్వారా నెటిజన్లకు విజ్ఞప్తి చేశారు. ఈరోజుల్లో ఇదంతా కామన్ అని అన్నాడు. అయినప్పిటికీ ఇంకా ఎవరైన తాను తప్పుచేసినట్లు భావిస్తే క్షమించాలని కోరారు. అయితే సోషల్ మీడియాలో జరుగుతున్న హడావిడి కారణంగా తనతో పాటు మైనర్ బాలిక కుటుంబసభ్యులు ఇబ్బంది పడుతున్నామని చెప్పారు.
Here is #Papon 's video. Found his behaviour with the minor girl he is mentoring totally inappropriate. Pulling her face and kissing the girl is totally uncalled for no matter how affectionate you feel as her mentor. This definitely comes under "Bad Touch". #ProtectOurChildren pic.twitter.com/MJe8wzd0sb — ruchi kokcha (@ruchikokcha) February 23, 2018