Oxygen సంక్షోభం.. ఊపిరాడక ఆరుగురు మృతి

దేశంలో కరోనా విలయతాండవం ఆక్సిజన్ సంక్షోభానికి దారితీసింది. ఆక్సిజన్ అందక మృతి చెందుతున్న కరోనా రోగుల సంఖ్య పెరుగుతోంది. రెండు రోజుల కిందట నాసిక్‌లో ఆక్సిజన్ సరఫరాకు అంతరాయం కలగడంతో 22 మంది ప్రాణాలు కోల్పోయారు. దేశరాజధాని ఢిల్లీలో ఆక్సిజన్ అందని కారణంగా 20 మంది మృత్యువాతపడ్డారు. తాజాగా అలాంటి దారుణ ఘటన మరోటి వెలుగుచూసింది.

పంజాబ్‌లోని అమృత్‌సర్‌లోని నీల్‌కాంత్ ఆస్పత్రిలో ఆక్సిజన్ అందక ఆరుగురు ప్రాణాలు కోల్పోయారు. అందులో ఐదుగురు కరోనా రోగులు ఉన్నట్లు వైద్యులు తెలిపారు. రోగులు ప్రాణాలు కోల్పోయాక కేవలం ఐదు ఆక్సిజన్ సిలిండర్లు సరఫరా చేశారని ఆస్పత్రి చైర్మన్, ఎండీ సునీల్ దేవగణ్ తెలిపారు. ప్రభుత్వ ఆస్పత్రులకు తొలి ప్రాధాన్యం ఇవ్వడంతో తమకు సరైన సమయంలో ఆక్సిజన్ సప్లై చేయలేకపోతున్నామని సప్లయర్లు చెబుతున్నారని ఆయన అన్నారు. అయితే ఈ ఘటనపై పంజాబ్ ప్రభుత్వం విచారణకు ఆదేశించింది.

Also Read: