బీజేపీలో చేరనున్న ఎస్ఎమ్ కృష్ణ

కర్ణాటక సీనియర్ కాంగ్రెస్ లీడర్, మాజీ కేంద్ర మంత్రి అయిన ఎస్ఎమ్ కృష్ణ కాంగ్రెస్ కు గత వారం రాజీనామా చేసిన సంగతి తెలిసిందే. ఆయన ఏ పార్టీలో చేరతారో ఇంకా ప్రకటించలేదు. అయితే బీజేపీ నేత, మాజీ సీఎం అయిన యడ్యూరప్ప మాత్రం ఎస్ఎమ్ కృష్ణ త్వరలో బీజేపీలో చేరతారని చెప్పారు. ఎప్పుడు చేరతారో ముహూర్తం ఖరారవ్వలేదని, అయితే చేరిక మాత్రం ఖచ్చితమని తెలిపారు. ఎస్ఎమ్ కృష్ణ (84) తన వయసు కారణంగా కాంగ్రెస్ తనని పక్కన పెట్టిందని ఆయన ఆరోపిస్తూ రాజీనామా చేశారు. ఆ విషయంపై యడ్యూరప్ప మాట్లాడుతూ వయసును కారణంగా చూపిస్తూ ఓ నిజాయితీగల నాయకుడిని పక్కన పెట్టడం సరికాదని అన్నారు. తమ పార్టీలో ఎస్ఎమ్ కృష్ణకు తగిని ప్రాధాన్యత ఇస్తామని చెప్పారు.

ఎస్ఎమ్ కృష్ణను తిరిగి పార్టీలోకి రమ్మని అడిగేందుకు కాంగ్రెస్ పార్టీ అధిష్ఠానం చాలా ప్రయత్నించింది. ఆయన మాత్రం అది ముగిసిని అధ్యాయమని, దానిపై చర్చించేది ఏమీ లేదని కాంగ్రెస్ నేతలకు తేల్చి చెప్పారు.