స్మృతి ఇరానీ డిగ్రీ కేసు : నేడు తీర్పు

కేంద్ర మానవ వనరుల శాఖ మాజీ మంత్రి స్మృతి ఇరానీ డిగ్రీ నకిలీదనే ఆరోపణలపై దాఖలైన కేసుపై పాటియాలా కోర్టు
నేడు తీర్పు చెప్పనుంది. 2004 ఎన్నికల సందర్భంగా స్మృతి ఇరానీ తన విద్యార్హతలకు సంబంధించి దాఖలు చేసిన వివరాలను కేంద్ర ఎన్నికల సంఘం సీల్డ్‌ కవర్‌లో కోర్టుకు అందజేసింది. వివిధ ఎన్నికల్లో పోటీ చేస్తున్న సందర్భంగా కేంద్ర ఎన్నికల సంఘానికి తన విద్యార్హతలపై స్మృతి ఇరానీ అఫిడవిట్లను సమర్పించారు. కాగా, ఈ వివరాల్లో పోలిక లేదంటూ ఫ్రీలాన్స్‌ రచయిత అహ్మర్‌ ఖాన్‌ కోర్టులో పిటిషన్‌ వేశారు.కోర్టు ఆదేశాల మేరకు ఢిల్లి యూనివర్శిటీ స్మృతి ఇరానీకి సంబంధించిన 1996నాటి బిఏ డిగ్రీకి సంబంధించిన వివరాలను కోర్టుకు అందజేసింది.