సోనియా విందు: రాజకీయాలకు కాదు, దోస్తీ కోసమట!

ఢిల్లీ: యూపీఏ ఛైర్‌పర్శన్ సోనియా గాంధీ మంగళవారం రాత్రి ఢిల్లీలోని 10, జన్‌పథ్‌లోని ఆమె నివాసంలో రాజకీయ విందు ఇచ్చారు. ఈ సందర్భంగా ఆమె ప్రతిపక్ష పార్టీల ముఖ్య నేతలందరినీ ఆమె ఏకతాటి పైకి తెచ్చారు. శరద్ పవర్, ఒమర్ అబ్ధుల్లా, కనిమోజీ, తెజశ్వీ యాదవ్ తదితర ప్రతిపక్ష పెద్దలంతా ఈ విందుకు హాజరు కావడం విశేషం. వీరితోపాటు ఏఐసీసీ అధ్యక్షుడు రాహుల్ గాంధీ, మాజీ ప్రధాని మన్మోహన్ సింగ్‌తో పాటు మల్లిఖార్జున్ ఖార్గే, రణదీప్ సుర్జేవాలా సైతం హాజరయ్యారు.

ఈ సందర్భంగా సుర్జేవాలా మాట్లాడుతూ... ‘‘ఈ విందును రాజకీయ కోణంలో చూడొద్దు. స్నేహం, పరస్పరం సంబంధాలను పెంపొందించుకునే ఉద్దేశంతోనే ప్రతిపక్ష పార్టీలను ఆహ్వానించాం’’ అని తెలిపారు. ఈ విందులు ఎలాంటి ప్రసంగాలు లేకుండా స్నేహపూర్వక వాతావారణంలో సాగడం విశేషం.

‘‘యూపీఏ ఛైర్‌పర్శన్ సోనియా గాంధీ ఈ రోజు అద్భుతమైన విందు ఏర్పాటుచేశారు. వివిధ పార్టీల నేతలంతా ఒక్క చోటే కలుసుకోడానికి ఇదో చక్కని అవకాశం. రాజకీయ చర్చ చాలానే జరిగింది. కానీ, పార్టీల మధ్య సఖ్యత దీని ముఖ్య ఉద్దేశం’’ అని రాహుల్ గాంధీ అధికారిక ట్విటర్ ద్వారా వెల్లించారు.

ఈ పార్టీలో ఎన్సీ, ఎన్సీపీ, ఆర్జేడీ, డీఎంకే, సీపీఐ, సీపీఎం, సమాజ్ వాదీ పార్టీ, హెచ్‌ఏఎం, త్రుణముల్ కాంగ్రెస్, బీఎస్పీ పార్టీలకు చెందిన ముఖ్య నేతలంతా హాజరయ్యారు.