కరణ్ జోహార్ పెళ్లికి పనికిరాడు.. అందుకే....

సరోగసీ విధానంలో ఇద్దరు పిల్లలకు తండ్రయిన బాలీవుడ్ దర్శకుడు కరణ్ జోహార్ పై తీవ్ర విమర్శలు గుప్పించారు సమాజ్ వాదీ పార్టీ నేత అబూ అజ్మీ. సోమవారం ముంబైలో మీడియాతో మాట్లాడిన కరణ్ సరోగసీ డ్రామా అని కొట్టిపారేశారు.

కరణ్ జోహార్ పెళ్లికి పనికి రాడని తెలిసినప్పుడు...సరోగసీ ద్వారా కాకుండా పేద పిల్లలను దత్తత తీసుకొని ఉండొచ్చని అజ్మీ విమర్శించారు.

‘‘పెళ్లికి అమ్మాయే దొరకలేదా? ఒక వేళ అతడు పెళ్లి చేసుకోలేకపోతే..ఎంతోమంది పేద పిల్లలున్నారు. ఇద్దర్నో నలుగురినో అతడు దత్తత తీసుకోవచ్చు. సరోగసీ విధానాన్ని అవలంభించి కరణ్ పేదలను వెక్కిరించినట్లుగా కనిపిస్తోంది. దేవుడు తోడు నిర్ణయిస్తారు. కానీ అతడికి మాత్రం ఎవరినీ నిర్ణయించలేదు. ఒకవేళ అతనికి ఏదైనా ప్రాబ్లమ్ ఉంటే అతడు చెప్పాలి. ఆ సమస్య వల్ల అతడు అమ్మాయిని పెళ్లి చేసుకోకపోవచ్చు. కానీ ఈ సరోగసీ డ్రామా ఏంటీ?’’ అని అజ్మీ ప్రశ్నించారు.

సరోగసీ ద్వారా కవలల (ఆడ,మగ) పుట్టినట్లు కరణ్ రెండు రోజుల క్రితమే ప్రకటించారు. ఆ పిల్లలను తన తల్లిదండ్రుల పేర్లు పెట్టినట్లు కూడా వెల్లడించిన సంగతి తెలిసిందే.