పబ్లిగ్గా ఐపీఎస్ ఆఫీసర్స్ ఘర్షణ

ప్రధాని నరేంద్ర మోడీ లక్నో పర్యటన కోసం జరుగుతున్న భద్రతా ఏర్పాట్లని సమీక్షించేందుకు ఏర్పాటు చేసిన సమీక్షా సమావేశంలో తోటీ ఐపీఎస్ ఆఫీసర్స్ సమక్షంలోనే ఇద్దరు ఐపీఎస్ అధికారులు వాగ్వీవాదానికి దిగారు. స్టేజీపై కూర్చున్న లక్నో ఎస్ఎస్‌పీ దీపక్ కుమార్‌కి, ఈ సమీక్షా సమావేశానికి హాజరైన మరో ఐపీఎస్ ఆఫీసర్ నదీమ్ సింగ్‌కి మధ్య ఈ వాగ్వీవాదం చోటుచేసుకుంది.

గంటల తరబడి నిర్వహిస్తున్న సమీక్షా సమావేశంలో కనీసం తాగు నీటి వసతి కూడా ఏర్పాటు చేయలేదని నదీమ్ సింగ్ లేవనెత్తగా... అందుకోసమే నువ్వు(నదీమ్ సింగ్) ఇక్కడికొచ్చినట్టయితే, ఇక్కడ నీకు పని లేదు ఇక నువ్వు వెళ్లొచ్చు అని దీపక్ కుమార్ సూచించారు. ఈ క్రమంలోనే ఇద్దరి మధ్య మాటామాటా పెరిగింది. ఇదిలావుంటే, ప్రధాని లక్నో పర్యటన నేపథ్యంలో భద్రత కోసం ఏర్పాటు చేసిన ఈ సమీక్షా సమావేశంలో ఏర్పాట్లని సమీక్షించాల్సిందిపోయి ఐపీఎస్ ఆఫీసర్లే ఇలా గొడవకి దిగితే ఎలా అనే అభిప్రాయాలు వినిపిస్తున్నాయి.