Spicejet Passengers, Stranded For 11 Hours In Karachi, Fly To Dubai, 8th Incident In 18 Days
పాక్‌లో దింపేశారు.. స్పైస్జెట్ విమానాలకు ఏమైంది? 18 రోజుల్లో 8వ ఘటన
Spicejet flight emergency landing in Pakistan's Karachi: దేశీయ విమానయాన సంస్థ స్పైస్జెట్ విమానాల్లో వరుస లోపాలు తలెత్తుతుండటం ప్రయాణికులను ఆందోళనకు గురి చేస్తోంది. మంగళవారం (జులై 5) దుబాయ్ బయల్దేరిన విమానాన్ని పాకిస్థాన్‌లోని కరాచీలో ఎమర్జెన్సీ ల్యాండింగ్ చేశారు. ప్రయాణికులు 11 గంటల పాటు అక్కడే పడిగాపులు కాశారు. సంస్థపై ఆగ్రహం వ్యక్తం చేశారు. 18 రోజుల్లో 8 సార్లు స్పైస్జెట్కు చెందిన విమానాల్లో లోపాలు తలెత్తడం గమనార్హం.
స్పైస్జెట్కు చెందిన విమానాల్లో లోపాలు తలెత్తుతుండటం ప్రయాణికులను ఆందోళనకు గురి చేస్తోంది. గత 18 రోజుల వ్యవధిలో 8వ ఘటన చోటు చేసుకోవడం ఈ ఆందోళనకు కారణం. 8 సార్లు వైఫల్యాలు తలెత్తడం పట్ల DGCA ఆగ్రహం వ్యక్తం చేసింది. స్పైస్జెట్ (Spicejet) సంస్థకు షోకాజ్ నోటీసులు జారీ చేసింది. ఈ ఘటనలపై వివరణ ఇవ్వాల్సిందిగా ఆదేశించింది. మంగళవారం (జులై 5) ఒక్క రోజే ఈ సంస్థకు చెందిన రెండు విమానాల్లో సాంకేతిక సమస్య తలెత్తగా.. తాజాగా స్పైస్జెట్ కార్గో విమానం ఒకటి సాంకేతిక లోపంతో కోల్‌కతా నగరానికి వెనుదిరిగింది. ఈ ఘటన కూడా మంగళవారమే జరగ్గా.. ఆలస్యంగా వెలుగులోకి వచ్చింది.
Samayam TeluguSpicejet
మంగళవారం ఢిల్లీ నుంచి దుబాయ్ వెళ్తోన్న స్పైస్జెట్ విమానం ఒకటి పాకిస్థాన్ గగనతలంలో ఉండగా.. ఇంధన ఇండికేటర్‌ సరిగా పనిచేయలేదు. దీంతో విమానాన్ని కరాచీలో ఎమర్జెన్సీ ల్యాండింగ్ చేశారు. 138 మంది ప్రయాణికులు 11 గంటల పాటు కరాచీ విమానాశ్రయంలోనే ఉండిపోయారు. స్పైస్జెట్ సంస్థపై ఆగ్రహం వ్యక్తం చేశారు. సుదీర్ఘ ఎదురుచూపుల తర్వాత మరో విమానంలో ప్రయాణికులను దుబాయ్ తరలించారు. ఈ ఘటన జరిగిన కాసేపటికే గుజరాత్‌లోని కాండ్లా నుంచి ముంబై వెళ్తోన్న మరో స్పైస్జెట్ విమానంలో లోపం తలెత్తింది. విమానం 23 వేల అడుగుల ఎత్తులో ఉండగా.. విండ్‌షీల్డ్‌కు పగులు ఏర్పడింది. అప్రమత్తమైన పైలట్లు ముంబై ఎయిర్ పోర్టులో అత్యవసర ల్యాండింగ్ చేశారు.
మంగళవారం సాయంత్రం స్పైస్జెట్కు చెందిన బోయింగ్‌ 737 ఫ్రీటర్‌.. కోల్‌కతా నుంచి చైనాలోని చాంగ్‌కింగ్‌ బయల్దేరింది. అయితే, సరకు రవాణాకు ఉపయోగించే ఈ కార్గో విమానం టేకాఫ్‌ అయిన కొద్ది సేపటికి వెదర్‌ రాడార్‌ (వాతావరణ సూచీ) పనిచేయడం లేదని కమాండ్ పైలట్‌ గుర్తించారు. విమానాన్ని వెంటనే తిరిగి కోల్‌కతా మళ్లించారు. స్పైస్జెట్ అధికార ప్రతినిధి ఈ విషయాన్ని ధ్రువీకరించారు. ఇలా వరుస ఘటనలతో స్పైస్జెట్ వార్తల్లో నిలుస్తోంది.
శ్రీనివాస్ రెడ్డి గంగం సమయం తెలుగులో సీనియర్ డిజిటల్ కంటెంట్ ప్రొడ్యూసర్‌గా పని చేస్తున్నారు. ఏపీ, తెలంగాణ, జాతీయ, అంతర్జాతీయ అంశాలపై వార్తలు, ప్రత్యేక కథనాలు అందిస్తుంటారు. EJS నుంచి శిక్షణ పొందిన శ్రీనివాస్‌కు జర్నలిజంలో 12 ఏళ్లకు పైగా అనుభవం ఉంది. JNTU నుంచి BTech చేశారు. గతంలో ప్రముఖ పత్రికల్లో వార్తలు, విద్యా సంబంధిత అంశాలు అందించారు.... మరిన్ని చదవండి
We use cookies and other tracking technologies to provide services in line with the preferences you reveal while browsing the Website to show personalize content and targeted ads, analyze site traffic, and understand where our audience is coming from in order to improve your browsing experience on our Website. By continuing to browse this Website, you consent to the use of these cookies. If you wish to object such processing, please read the instructions described in our privacy policy/cookie policy.
