వృద్ధాశ్రమంలో జాన్వీ పుట్టినరోజు వేడుకలు

జాన్వీ తన తల్లి శ్రీదేవిని ఎంతో మిస్సవుతోంది. తన బర్త్ డేకు కొద్ది రోజుల ముందే తల్లి చనిపోవడం ఆమెను ఎంతగానో బాధిస్తోంది. ఎప్పుడూ తన ఇంట్లో తల్లిదండ్రుల మధ్య పుట్టిన రోజు వేడుకలు చేసుకునే జాన్వీ... ఈసారి మాత్రం ముంబైలోని ఓ వృద్ధాశ్రమంలో జరుపుకొంది. తన స్నేహితులు, కొంతమంది సన్నిహితులు, వృద్ధులతో కలిసి కేక్ కట్ చేసి సెలబ్రేట్ చేసుకుంది. ఇలా చేసి తన తల్లి లేని లోటును మర్చిపోయే ప్రయత్నం చేసింది.

గతంలో కూడా శ్రీదేవి అప్పుడప్పుడు తన పుట్టిన రోజును అనాథాశ్రమంలో కాని వృద్ధాశ్రమంలో కాని జరుపుకునేవారట. ఇప్పుడు జాన్వీ కూడా తల్లిలాగే చేసింది. ఈ సెలబ్రేషన్స్కు సంబంధించిన వీడియో, ఫోటోలు సోషల్ మీడియాలో కనిపించాయి. ఓవైపు శ్రీదేవి మరణానికి చింతిస్తూనే... జాన్వీకి పుట్టిన రోజు శుభాకాంక్షలు తెలుపుతున్నారు అభిమానులు.