అతిలోక సుందరికి అద్భుత నివాళి

ప్రముఖ నటి శ్రీదేవి మరణం పట్ల దేశవ్యాప్తంగా వివిధ రంగాలకు చెందిన ప్రముఖులు సంతాపం వ్యక్తం చేస్తున్నారు. ఉదయాన్నే ఆమె మరణ వార్త విని షాకయ్యామని.. ఆమెతో కలిసి నటించిన చిరంజీవి, కృష్ణ లాంటి నటులు దిగ్భ్రాంతి వ్యక్తం చేశారు. తెలుగు, తమిళ, హిందీ చిత్ర రంగాల ప్రముఖులే కాకుండా.. రాజకీయ, క్రీడా రంగాలకు చెందిన వారు కూడా శ్రీదేవి హఠాన్మరణం వార్తతో షాకయ్యారు. అతిలోక సుందరి శ్రీదేవి మరణానికి సంతాప సూచికగా... ప్రముఖ సైకత శిల్పి సుదర్శన్ పట్నాయక్ తనదైన రీతిలో నివాళులు అర్పించారు.


పూరీ తీరంలో శ్రీదేవి సైకత శిల్పం రూపొందించిన పట్నాయక్.. మేం నిన్ను మిస్సవుతాం. రిప్ శ్రీదేవి అంటూ నివాళి అర్పించాడు. ఆమె సినీ ప్రస్థానానికి సూచికగా.. ఈ శిల్పాన్ని పట్నాయక్ తీర్చిదిద్దాడు.