జల్లికట్టుపై తీర్పు వాయిదా వేసిన సుప్రీం

జల్లికట్టుపై సుప్రీం కోర్టు రెండేళ్ల క్రితం నిషేధం విధించింది. రెండేళ్లుగా తమిళనాడు ప్రభుత్వం నిషేధాన్ని ఎత్తివేయాలని కోరుతూ వచ్చింది. అయితే ఈసారి పొంగల్ కు మాత్రం జల్లికట్టు వివాదం ఉద్ధృత రూపం దాల్చింది. జల్లికట్టు అంశం సుప్రీంకోర్టు పరిధిలో ఉన్నప్పటికీ మూడు రోజులగా ఈ విషయం కేంద్రానికి, రాష్ట్రానికి మధ్య అంశంగా మారింది. కాగా జల్లికట్టు అంశం సుప్రీం కోర్టులో ప్రస్తావనకు రాగా అటార్నీ జనరల్ ముఖుల్ రోహత్గీ కొన్ని రోజుల పాటూ తీర్పును వాయిదా వేయాలని కోరారు. జల్లికట్టు వివాదాన్ని పరిష్కరించేందుకు రాష్ట్ర ప్రభుత్వం, కేంద్ర ప్రభుత్వం ప్రయత్నాలు చేస్తున్నాయని ముఖుల్ అత్యున్నత న్యాయస్థానానికి తెలిపారు. దీంతో సుప్రీం కోర్టు జల్లికట్టుపై తీర్పును వారం రోజుల పాటూ వాయిదా వేసినట్టు ప్రకటించింది.

చెన్నై మెరీనా బీచ్ ఇంకా జనసంద్రంగానే ఉంది. శుక్రవారం తమిళనాడుకు బంద్ ప్రకటించడంతో దుకాణాలన్నీ మూసి వేశారు. విద్యాసంస్థలు స్వచ్ఛందంగా మూసి వేశారు. సినీతారలు తమ మద్దతును ప్రకటించారు.