కరెన్సీ రద్దు నిర్ణయంపై స్టే ఇవ్వం - సుప్రీం
పెద్ద నోట్ల రద్దు... దేశంలో పెను సంచలనాన్ని సృష్టించింది.
TNN 15 Nov 2016, 3:52 pm
పెద్ద నోట్ల రద్దు... దేశంలో పెను సంచలనాన్ని సృష్టించింది. నల్లధనాన్ని వెలికి తీసేందుకు, నల్లధనాన్ని కూడేసి పేదవాడి పొట్టకొట్టే వాళ్ల జాతకాలు తారుమారు చేసేందుకు మోడీ వేసిన అణ్వాస్త్రం... పెద్ద నోట్ల రద్దు నిర్ణయం. అయితే దీని వల్ల కొన్ని రోజుల పాటూ సాధారణ ప్రజలు చాలా ఇబ్బందులు పడాల్సిన పరిస్థితి ఏర్పడింది. అయితే కొంతమంది రూ.500, రూ.1000 నోట్ల రద్దును వ్యతిరేకిస్తూ సుప్రీంకోర్టును ఆశ్రయించారు. ఆ రద్దు నిర్ణయంపై స్టే విధించాలని కోరుతూ పిటిషన్ వేశారు. ఆ పిటిషన్లపై విచారణ చేపట్టిన సుప్రీం కోర్టు నోట్ల రద్దు నిర్ణయంపై స్టే విధించేందుకు నిరాకరించింది. ఆ పిటిషన్ల విషయమై కౌంటర్ దాఖలు చేయాల్సిందిగా కేంద్రాన్ని ఆదేశించింది.
పెద్ద నోట్లను రద్దు చేయడంతో నల్లధన కుబేరులు తీవ్రంగా నష్టపోయారని అటార్నీ జనరల్ సుప్రీం కోర్టుకు తెలియజేశారు. ఇది నల్లధనంపై కేంద్రం చేసిన సర్జికల్ స్ట్రయిక్స్ ఆయన అన్నారు. సుప్రీం కోర్టు కూడా అటార్నీ జనరల్ అభిప్రాయాలతో ఏకీభవించింది.
నోట్ల రద్దు నేపథ్యంలో ప్రజలు ఇబ్బందులు పడకుండా ఎలాంటి చర్యలు తీసుకున్నారో తెలపాలని కేంద్రాన్ని కోరింది. ప్రభుత్వ నిర్ణయాల వల్ల సామాన్య ప్రజలు ఇబ్బంది పడకూడదని తెలిపింది.
పెద్ద నోట్లను రద్దు చేయడంతో నల్లధన కుబేరులు తీవ్రంగా నష్టపోయారని అటార్నీ జనరల్ సుప్రీం కోర్టుకు తెలియజేశారు. ఇది నల్లధనంపై కేంద్రం చేసిన సర్జికల్ స్ట్రయిక్స్ ఆయన అన్నారు. సుప్రీం కోర్టు కూడా అటార్నీ జనరల్ అభిప్రాయాలతో ఏకీభవించింది.
నోట్ల రద్దు నేపథ్యంలో ప్రజలు ఇబ్బందులు పడకుండా ఎలాంటి చర్యలు తీసుకున్నారో తెలపాలని కేంద్రాన్ని కోరింది. ప్రభుత్వ నిర్ణయాల వల్ల సామాన్య ప్రజలు ఇబ్బంది పడకూడదని తెలిపింది.