శశికళకు మరోసారి సుప్రీంకోర్టులో ఎదురుదెబ్బ

అన్నాడీఎంకే ప్రధాన కార్యదర్శి వీకే శశికళకు సుప్రీంకోర్టులో మరోసారి ఎదురుదెబ్బ తగిలింది. ఆరోగ్యం బాగోలేనందున లొంగిపోయేందుకు తనకు నాలుగు వారాల గడువు ఇవ్వాలని శశికళ సుప్రీంకోర్టులో పిటిషన్ వేశారు. ఈ పిటిషన్ ను సుప్రీంకోర్టు తిరస్కరించింది.

అక్రమాస్తుల కేసులో సుప్రీంకోర్టు మంగళవారం శశికళను దోషిగా ప్రకటించిన సంగతి తెలిసిందే.

తాను పెట్టుకున్న పిటిషన్ ను సుప్రీంకోర్టు తిరస్కరించడంతో శశికళ బుధవారం బెంగళూరులో జైలుకు వెళ్లనున్నారు. అగ్రహారం జైల్లో ఆమెతో పాటు ఆమె బంధువులు ఇళవరసి, సుధాకరన్ లు మూడున్నరేళ్లపాటు గడపనున్నారు.

ఈ కేసులో అన్నాడీఎంకే సుప్రీంకోర్టులో రివ్యూ పిటిషన్ దాఖలు చేయనుంది.