ఆదరించిన రైల్ కుటుంబానికి థ్యాంక్స్: సురేష్ ప్రభు

రైల్వే మంత్రిత్వ శాఖను వీడుతున్నట్లు సురేష్ ప్రభు సూచన ప్రాయంగా చెప్పేశారు. ఈ మేరకు రైల్వే ఉద్యోగులను ప్రస్తావిస్తూ ఆదివారం ఒక ట్వీట్ చేశారు. ‘నన్ను ప్రోత్సహిస్తూ, నాపై ప్రేమానురాగాలు చూపిన 13 లక్షలకు పైగా ఉన్న రైల్ కుటుంబానికి కృతజ్ఞతలు. ఈ జ్ఞాపకాలను జీవితాంతం గుర్తుపెట్టుకుంటాను. అందరికీ మంచి జరగాలని కోరుకుంటున్నా’ అని సురేష్ ప్రభు ట్వీట్‌లో పేర్కొన్నారు. ఆదివారం కొత్త మంత్రుల ప్రమాణస్వీకారోత్సవ కార్యక్రమం అనంతరం ఆయన ఈ ట్వీట్ చేశారు.
Thanks to all 13 Lacs+ rail family for their support,love,goodwill.I will always cherish these memories with me.Wishing u all a great life — Suresh Prabhu (@sureshpprabhu) September 3, 2017
కేంద్ర కేబినెట్ మంత్రులుగా పదోన్నతులు పొందిన నిర్మలా సీతారామన్‌, ధర్మేంద్ర ప్రధాన్‌, పీయూష్‌ గోయల్‌, ముక్తార్‌ అబ్బాస్‌ నఖ్వీలకు కూడా ఆయన ట్విట్టర్ ద్వారా అభినందనలు తెలిపారు.
Congrats to @dpradhanbjp @PiyushGoyal @nsitharaman @naqvimukhtar for their new responsibilities Best wishes for great success — Suresh Prabhu (@sureshpprabhu) September 3, 2017
ఇదిలా ఉండగా.. ఇటీవల జరిగిన వరస రైలు ప్రమాదాలకు బాధ్యత వహిస్తూ రైల్వే మంత్రి పదవికి రాజీనామా చేయడానికి సురేష్ ప్రభు సిద్ధపడ్డారు. అయితే ప్రధాని నరేంద్ర కాస్త ఓపిక పట్టాలని సురేష్ ప్రభుకు సూచించారు. శాఖను మారుస్తానని కూడా హామీ ఇచ్చారు. ప్రస్తుతం కేబినెట్ పునర్వవస్థీకరణలో భాగంగా సురేష్ ప్రభుకు రక్షణ శాఖను కేటాయించినట్లు తెలుస్తోంది. ఈయను పేరును మోదీ దాదాపు ఖరారు చేసినట్లు సమాచారం. అయితే రైల్వే శాఖ ఎవరికి అప్పగిస్తారనే విషయంపై ఇంకా స్పష్టత లేదు. కొత్తగా పదోన్నతి కల్పించిన నలుగురు మంత్రుల్లో ఎవరికో ఒకరికి దక్కే అవకాశం ఉంది.