ఎట్టకేలకు దొరికిన స్వాతి హంతకుడు

తమిళనాడులో సంచలనం సృష్టించిన స్వాతి హత్య కేసులో నిందితుడిని పోలీసులు అరెస్టు చేశారు. సరిగ్గా హత్య జరిగిన వారం రోజుల తరువాత హంతకుడు దొరికాడు. అతని పేరు రామ్ కుమార్ గా గుర్తించారు. తిరునల్వేలిలోని ఇంట్లో దాక్కున్న రామ్ కుమార్ ను శుక్రవారం అర్థరాత్రి పోలీసులు అరెస్టు చేశారు. పోలీసులను చూడగానే హంతకుడు తనను తాను చంపుకునేందుకు ప్రయత్నించాడు. బ్లేడుతో గొంతుకోసుకున్నాడు. వెంటనే అతన్ని ఆసుపత్రికిలో చేర్చారు పోలీసులు. ప్రస్తుతం ఆరోగ్య పరిస్థితి నిలకడగా ఉంది. అతను ఇంజినీరింగ్ పూర్తి చేసి చిన్న ఉద్యోగం చేస్తున్నట్టు పోలీసులు చెబుతున్నారు. స్వాతి నివాసానికి దగ్గర్లోని హాస్టల్ లో ఉంటున్నట్టు గుర్తించారు. స్వాతితో పరిచయం ఉందా లేదా?, అసలెందుకు చంపాడు అన్న విషయాలు రామ్ కుమార్ ద్వారా తెలుసుకునే ప్రయత్నం చేస్తున్నారు పోలీసులు. చెన్నైలోని నుంగంబాక రైల్వే స్టేషన్లో జూన్ 24న స్వాతిని హత్య చేశాడు. అక్కడి సీసీటీవీ ఫుటేజీలో అతను వచ్చి వెళ్లిన విజువల్స్ రికార్డయ్యాయి.