అవినీతి రాష్ట్రాలు..'టాప్ - 5'లో తెలంగాణ, ఏపీ!

అవినీతి, లంచగొండితనం అంశాలకు సంబంధించి'సెంటర్ ఫర్ మీడియా స్టడీస్ (సీఎంఎస్)' జరిపిన అధ్యయనంలో తెలుగు రాష్ట్రాలు టాప్-5 లో నిలిచాయి. అధ్యయన నివేదిక ప్రకారం జాబితాలో తెలంగాణ రెండో స్థానంలో, ఆంధ్రప్రదేశ్ నాలుగో స్థానంలో నిలిచాయి. ఇక ఈ జాబితాలో తమిళనాడు అగ్రస్థానంలో నిలిచింది. మొత్తం 13 రాష్ట్రాల్లోని 11 రకాల ప్రజాసేవలపై అధ్యయనం జరిపిన సీఎంఎస్ ఈ మేరకు 'అవినీతి అధ్యయన నివేదిక - 2018' రూపొందించింది. 75 శాతం మంది ప్రజల్లో అవినీతి పెరిగిందనే భావన వ్యక్తమయినట్లు అధ్యయనంలో తేలింది.

తెలంగాణలో అవినీతి తగ్గిందని ప్రచారం జరుగుతున్నప్పటికీ.. ఏ మాత్రం తగ్గకపోవడం గమనార్హం. తెలంగాణకు భిన్నమైన పరిస్థితి ఆంధ్రప్రదేశ్‌లో కనిపిస్తోంది. ఏపీలో అవినీతి తక్కువగానే ఉన్నప్పటికీ.. ఎక్కువ అవినీతి ఉందనే ప్రచారం జరుగుతుంది. గతంలో పోలిస్తే ఏపీలో అవినితీ తగ్గినప్పటికీ.. ప్రజాసేవలపై పౌరుల్లో క్రియాశీలత లోపించిందని నివేదిక వెల్లడించింది.