సిక్కిమ్‌లో ఘోర ప్రమాదం సంభవించి.. 16 మంది భారత్ సైనికులు దుర్మరణం చెందారు. శుక్రవారం ఉదయం నార్త్ సిక్కిమ్‌లోని జెమా ప్రాంతంలో సైనికులతో వెళ్తోన్న వాహనం లోయలోకి దూసుకెళ్లింది. ఈ ప్రమాదంలో ముగ్గురు ఆర్మీ అధికారులు, 13 మంది సైనికులు మృతిచెందినట్టు సైన్యం ప్రకటించింది. ఈ ఘటనలో మరో నలుగురు సైనికులు గాయపడ్డారు. లోయలో బోల్తాపడి ట్రక్కు మూడు వాహనాల కాన్వాయ్‌లో భాగమని, ఉదయం చటెన్ నుంచి థాంగూ వైపు వెళ్తుండగా ప్రమాదం జరిగిందని సైన్యం తెలిపింది.
సిక్కింలోని చటెన్ నుంచి థాంగూ ప్రాంతంలోని సరిహద్దు స్థావరాలకు పలువురు సైనికులు శుక్రవారం ఉదయం మూడు వాహనాల్లో బయలుదేరారు. వారి వాహనశ్రేణి జెమా వద్దకు చేరుకోగానే.. ఓ ప్రమాదకర మలుపు వద్ద రోడ్డు ఏటవాలుగా ఉండటంతో ఒక ట్రక్కు అదుపు తప్పి లోయలోకి జారిపడింది. వందల అడుగుల ఎత్తు నుంచి పడిపోవడంతో వాహనం తునాతునకలైంది.
ప్రమాదంపై రక్షణ మంత్రి రాజ్‌నాథ్ సింగ్ తీవ్ర దిగ్భ్రాంతి వ్యక్తం చేశారు. ‘ఉత్తర సిక్కింలో జరిగిన రోడ్డు ప్రమాదంలో భారత ఆర్మీ సిబ్బంది ప్రాణాలు కోల్పోవడం చాలా బాధాకరం.. వారి సేవ, నిబద్ధతకు దేశం ఎంతో కృతజ్ఞతలు తెలుపుతోంది.. మృతుల కుటుంబాలకు నా ప్రగాఢ సానుభూతి. గాయపడిన వారు త్వరగా కోలుకోవాలని ప్రార్థిస్తున్నాను’ అని రాజ్‌నాథ్ సింగ్ ట్వీట్ చేశారు. ప్రమాదం గురించి ఇంకా పూర్తి వివరాలు తెలియాల్సి ఉంది. ఘటనలో మృతిచెందిన సైనికుల వివరాలను ఆర్మీ వెల్లడించలేదు.
Read Latest National News And Telugu News
సిక్కింలోని చటెన్ నుంచి థాంగూ ప్రాంతంలోని సరిహద్దు స్థావరాలకు పలువురు సైనికులు శుక్రవారం ఉదయం మూడు వాహనాల్లో బయలుదేరారు. వారి వాహనశ్రేణి జెమా వద్దకు చేరుకోగానే.. ఓ ప్రమాదకర మలుపు వద్ద రోడ్డు ఏటవాలుగా ఉండటంతో ఒక ట్రక్కు అదుపు తప్పి లోయలోకి జారిపడింది. వందల అడుగుల ఎత్తు నుంచి పడిపోవడంతో వాహనం తునాతునకలైంది.
ప్రమాదంపై రక్షణ మంత్రి రాజ్‌నాథ్ సింగ్ తీవ్ర దిగ్భ్రాంతి వ్యక్తం చేశారు. ‘ఉత్తర సిక్కింలో జరిగిన రోడ్డు ప్రమాదంలో భారత ఆర్మీ సిబ్బంది ప్రాణాలు కోల్పోవడం చాలా బాధాకరం.. వారి సేవ, నిబద్ధతకు దేశం ఎంతో కృతజ్ఞతలు తెలుపుతోంది.. మృతుల కుటుంబాలకు నా ప్రగాఢ సానుభూతి. గాయపడిన వారు త్వరగా కోలుకోవాలని ప్రార్థిస్తున్నాను’ అని రాజ్‌నాథ్ సింగ్ ట్వీట్ చేశారు. ప్రమాదం గురించి ఇంకా పూర్తి వివరాలు తెలియాల్సి ఉంది. ఘటనలో మృతిచెందిన సైనికుల వివరాలను ఆర్మీ వెల్లడించలేదు.
Read Latest National News And Telugu News