మూడు రోజులు బ్యాంకులకు సెలవు

పెద్ద నోట్లు రద్దు జరిగి నెల రోజులవుతున్నా ప్రజలకు నగదు కష్టాలు మాత్రం తీరడంలేదు. ఏటీఎంలలో పరిమితంగా నగదు తీసుకునే అవకాశం మాత్రమే ఉండటంతో రోజుల తరబడి క్యూలో నిల్చోవాల్సిన పరిస్థితి ఏర్పడింది. నెల ప్రారంభమై జీతాలు వచ్చినా, అవసరాలకు డబ్బు తీసుకునే అవకాశం లేకపోవడంతో ప్రజల ఇబ్బందులు కొనసాగుతున్నాయి.

కాగా.. ఇలాంటి సమయంలో బ్యాంకులకు వరుసగా మూడు రోజులు సెలవు దినాలు వస్తున్నాయి. డిసెంబర్ 10 రెండో శనివారం, 11న ఆదివారం, 12వ తేదీ సోమవారం ఈద్- ఎ- మిలద్ వచ్చాయి. ఈ నేపథ్యంలో మూడు రోజులు బ్యాంకుల్లో లావాదేవీలు జరిపే పరిస్థితి లేకపోవడంతో నేడు, రేపు బ్యాంకులకు రద్దీ పెరగనుంది.

ఇబ్బందులను దృష్టిలో ఉంచుకొని పెద్ద మొత్తంలో నగదు అందుబాటులో ఉంచాలని, అలాగే నగదు తీసుకునే పరిమితిని పెంచాలని ప్రజలు కోరుకుంటున్నారు.