యాప్నగరం

ముగ్గురు ఐఎస్ఐఎస్ అనుమానిత ఉగ్రవాదుల అరెస్ట్

ఢిల్లీ స్పెషల్ పోలీసు సెల్, ఉత్తర్ ప్రదేశ్ యాంటీ టెర్రరిస్ట్ స్వ్కాడ్(ఏటీఎస్) బృందాలు కలిసి ఐఎస్ఐఎస్ ఉగ్రవాదులు...

TNN 20 Apr 2017, 12:44 pm
ఢిల్లీ స్పెషల్ పోలీసు సెల్, ఉత్తర్ ప్రదేశ్ యాంటీ టెర్రరిస్ట్ స్వ్కాడ్(ఏటీఎస్) బృందాలు కలిసి ఐఎస్ఐఎస్ ఉగ్రవాదులు పన్నిన కుట్రని భగ్నం చేశాయి. ముంబై, జలంధర్, నర్కటియాగంజ్(బీహార్), బిజ్నోర్, ముజఫర్ నగర్ వంటి నగరాల్లో ఏకకాలంలో ఆపరేషన్ నిర్వహించిన భద్రతా బలగాలు.. ఉగ్రవాద కార్యకలాపాలతో సంబంధం వున్న ముగ్గురు ఐఎస్ఐఎస్ అనుమానిత ఉగ్రవాదులని అరెస్ట్ చేయడంతోపాటు మరో ఆరుగురిని విచారణ నిమిత్తం అదుపులోకి తీసుకున్నారు. మహారాష్ట్ర, పంజాబ్, బీహార్, ఆంధ్రప్రదేశ్, ఉత్తర్ ప్రదేశ్ రాష్ట్రాల పోలీసుల సహాయంతో ఈ ఐదు రాష్ట్రాల్లో దాడులు నిర్వహించినట్టు ఉత్తర్ ప్రదేశ్ ఏటీఎస్ చీఫ్ అసిమ్ అరుణ్ తెలిపారు.
Samayam Telugu three persons were arrested on suspicion of isis inspired terror related activities
ముగ్గురు ఐఎస్ఐఎస్ అనుమానిత ఉగ్రవాదుల అరెస్ట్


ఉత్తర్ ప్రదేశ్‌లో ఈమధ్యే మళ్లీ యాక్టివ్ అయిన కొంతమంది అనుమానిత ఉగ్రవాదులు యూపీలో భారీ ఎత్తున విధ్వంసానికి పాల్పడేందుకు కొత్త వారిని నియమించుకుంటున్నట్టుగా యూపీ ఎటీఎస్‌కి ఇంటెలీజెన్స్ వర్గాల నుంచి స్పష్టమైన సమాచారం అందింది. ఈ సమాచారంతోనే ఏకకాలంలో దాడులు చేశాయి ఏటీఎస్ బలగాలు. ఢిల్లీ స్పెషల్ పోలీసు, ఆంధ్రప్రదేశ్ క్రైమ్ ఇన్వెస్టిగేషన్ సెల్, మహారాష్ట్ర ఏటీఎస్, పంజాబ్ పోలీసులు, బీహార్ పోలీసులు ఈ ఆపరేషన్‌కి సహకరించారు.

బిజ్నోర్ సమీపంలోని బారాపూర్‌లో గురువారం ఉదయం ప్రార్థనలకి వెళ్తున్న ముహమ్మద్ ఫౌజన్, ముహమ్మద్ తన్వీర్‌లని అరెస్ట్ చేసినట్టు అక్కడి స్టేషన్ హౌజ్ ఆఫీసర్ ముకేష్ కుమార్ వెల్లడించారు. అనుమానిత ఉగ్రవాదులని పట్టుకోవడం కోసం ఈ ఆపరేషన్‌లో పాల్గొన్న ఏటీఎస్ బృందాలు ఘటన స్థలాలకి కొంత దూరంలోనే తమ వాహానాలని నిలిపివేసి, అక్కడి నుంచి ఎవ్వరికీ అనుమానం రాకుండా కాలి నడకన వెళ్లినట్టు సమాచారం.

తరవాత కథనం

Telugu News App: ఏపీ, తెలంగాణకు సంబంధించిన లేటెస్ట్ అప్‌డేట్స్‌, జాతీయ, అంతర్జాతీయ, ఎడ్యుకేషన్, బిజినెస్, సినిమా, ఆధ్యాత్మికం, స్పోర్ట్స్, వైరల్ కథనాల కోసం తెలుగు సమయం యాప్‌ను డౌన్‌లోడ్ చేసుకోండి.
తాజా వార్తల అప్డేట్ల కోసం Samayam Telugu ఫేస్‌బుక్పేజీను లైక్ చెయ్యండి.