బడ్జెట్‍ ప్రారంభ సమావేశాలకు టీఎంసీ దూరం

మంగళవారం నుంచి ప్రారంభంకానున్న బడ్జెట్ సమావేశాల మొదటి రెండు రోజులు తాము హాజరుకావడం లేదని ఆల్ ఇండియా తృణమూల్ కాంగ్రెస్ తేల్చిచెప్పింది. ఈ మేరకు టీఎంసీ పార్లమెంటరీ పార్టీ ఒక ప్రకటన విడుదల చేసింది. పార్లమెంటును పరిగణనలోకి తీసుకోకుండా పెద్ద నోట్ల రద్దు నిర్ణయాన్ని ప్రకటించడం, బ్యాంకు అకౌంట్ల నుంచి విత్‌డ్రా పరిమితులపై ఆంక్షలు విధించి ఇప్పటికీ కొనసాగిస్తున్నందుకు నిరసనగా ఈ నిర్ణయం తీసుకున్నట్టు పార్లమెంటరీ పార్టీ తరఫున డెరిక్ ఒబ్రెయిన్, కల్యాణ్ బెనర్జీ, సుఖేందు శేఖర్ రాయ్, సౌగత రాయ్, దినేష్ త్రివేది ఆ ప్రకటనలో స్పష్టం చేశారు.