అన్నా డీఎంకేకు పోటీగా ‘అమ్మ’ డీఎంకే పార్టీ

తమిళనాడులో మరో కొత్తపార్టీ పురుడు పోసుకుంది. డీఎంకేను వీడి అప్పటి సినీనటుడు ఎంజీఆర్ అన్నా డీఎంకే స్థాపిస్తే..ఇప్పుడు దివంగత సీఎం జయలలిత స్ఫూర్తితో అమ్మ డీంఎకే స్థాపించారు ఓ అభిమాని.

ద్రావిడ ఇయక్కం సీనియర్ నేత ఈవీకే సంపత్ కుమారుడు ఇనియన్ సంపత్ ‘అమ్మ డీఎంకే’ పార్టీని స్థాపించారు. అన్నా డీఎంకేను పోలిన జెండానే సంపత్ తన ఇంటిపై ఎగురవేయడం గమనార్హం. అన్నాడీఎంకే పార్టీ గుర్తు రెండాకులు కాగా, అమ్మ డీఎంకే జెండాలో జయలలిత విక్టరీ చిహ్నాన్ని పొందిపరిచారు.

అన్నాడీఎంకేను ఇంగ్లిష్ లో ఏడీఎంకే అని పిలుస్తుంటారు. ఇప్పుడు అమ్మ డీఎంకే పార్టీని కూడా ఏడీఎంకే అని సంబోధిస్తున్నారు. దీంతో అన్నాడీఎంకేను ఢికొట్టేందుకే అమ్మడీఎంకే స్థాపించిపట్లు వార్తలు వినిపిస్తున్నాయి.