ఢిల్లీలో కంపించిన భూమి.. భూప్రకంపనలతో వణికిన ఉత్తరాది

ఉత్తర భారతదేశంలో స్వలంగా భూకంపం సంభవించింది. మంగళవారం సాయంత్రం భారత్, నేపాల్‌ సరిహద్దుల్లో భూమి కంపించింది. ఈ ప్రభావంతో ఢిల్లీ-నేషనల్ కేపిటల్ రీజియన్‌తోపాటు ఉత్తర భారతంలోని పలు ప్రాంతాల్లో ప్రకంపనలు సంభవించాయి. లక్నో, మురాదాబాద్ తదితర నగరాల్లో ప్రకపంనలు రావడంతో ప్రజలు భయంతో ఇళ్ల నుంచి బయటకు పరుగులు తీశారు.

భూకంప తీవ్రత రిక్టర్ స్కేల్‌పై 5.3గా నమోదైంది. ఉపరితలం నుంచి 2 కి.మీ. లోతులో భూకంపం సంభవించిందని సమాచారం. భూకంప ప్రభావానికి సంబంధించిన పూర్తి వివరాలు తెలియాల్సి ఉంది.

సోమవారం రాత్రి 7 గంటలకు గుజరాత్‌లోని కచ్ జిల్లాలో భూమి కంపించింది. రిక్టర్ స్కేల్‌పై భూకంప తీవ్రత 4.3గా నమోదైంది. ఈ భూకంపం కారణంగా ఎలాంటి ఆస్తి, ప్రాణ నష్టం వాటిల్లలేదు.