ట్రిపుల్ తలాక్‌పై తీర్పు రిజర్వ్

ట్రిపుల్ తలాక్ పై దాఖలైన పిటిషిన్లపై వివిధ వర్గాల అభిప్రాయాలు విన్న సుప్రీంకోర్టు తీర్పును రిజర్వ్ చేసింది. గత ఆరురోజులుగా ట్రిపుల్ తలాక్ పై కేంద్రప్రభుత్వం, ముస్లిం పర్సనల్ లా బోర్డు, ఇతర సంస్థల వాదనలు విన్న సుప్రీంకోర్టు గురువారం తీర్పును రిజర్వ్ చేసింది.

ట్రిపుల్ తలాక్ ను మెజార్టీ, మైనార్టీకి సంబంధించిన అంశంగా చూడొద్దని.. తలాక్ రాజ్యాంగ విరుద్ధమని కేంద్రం తరఫున అటార్నీ జనరల్ ముకుల్ రోహత్గీ సుప్రీంకోర్టులో వాదించారు.