బీహార్ కాదు.. తెలంగాణ: కాంగ్రెస్‌పై టీఆర్ఎస్ ఫైర్

అసెంబ్లీలో కాంగ్రెస్‌ గూండాయిజాన్ని సహించేది లేదని మండిపడింది. టీఆర్‌ఎస్ గవర్నర్ ప్రసంగ సమయంలో కాంగ్రెస్ సభ్యులు గూండాల్లా ప్రవర్తించారని... ఇది బీహార్ కాదు... తెలంగాణ అన్న విషయాన్ని మర్చిపోకూడదన్నారు. సభలో రగడ చేయాలనే వ్యూహంతో సభకు వచ్చిందని ఆరోపించారు. ఇలాంటి గొడవలు చేసి హీరోలు అవుదామనుకుంటున్నారని... అలాంటి వారు హీరోలు కాదు జీరోలవుతారని మండిపడ్డారు. దాడి చేసినవారిపై చర్యలు తప్పవని హెచ్చరించారు. గొడవలు చేసి... సస్పెన్షన్‌తో తప్పించుకోవాలని కాంగ్రెస్ చూస్తోందన్నారు. బీసీలు ఉన్నత పదవుల్లో కూర్చోవడం ప్రతిపక్ష సభ్యులకు ఇష్టం లేదని మంత్రి తలసాని మండిపడ్డారు. ప్రజాస్వామ్యమంటే నమ్మకం ఉన్నవాళ్లు ఇలాంటి చిల్లర పనులు చేయరన్నారు.

కాంగ్రెస్ సభలో గొడవ చేస్తుందని సీఎం ముందే తమని హెచ్చరించారని మంత్రి శాసనసభా వ్యవహారాల మంత్రి హరీష్‌రావు అన్నారు. బడ్జెట్ సమావేశాల నుంచి తప్పించుకునేందుకు కాంగ్రెస్ గొడవలకు దిగుతోందన్నారు. సభలో జరిగిన ఘటనకు సంబంధించిన ఫుటేజ్‌ను పరిశీలిస్తున్నానమని... హద్దు మీరిన సభ్యులపై చర్యలు తప్పవని హెచ్చరించారు. ప్రజా ప్రతినిధులమనే విషయాన్ని మర్చిపోయి కాంగ్రెస్ ప్రవర్తించిందని టీఆర్‌ఎస్ ఎమ్మెల్సీలు మండిపడ్డారు. మండలి ఛైర్మన్‌పై హెడ్‌ఫోన్ విసిరినవారిపై చర్యలు తీసుకోవాలని డిమాండ్ చేశారు.