మహారాష్ట్రలో రెండు వారాల లాక్డౌన్.. నేడు ఉద్ధవ్ తుది నిర్ణయం!
Covid Cases in Maharashtra దేశంలో కరోనా వైరస్ కేసులు అసాధారణ రీతిలో బయటపడుతున్నాయి. మొదటి దశ కంటే రెండో దశలో పాజిటివ్ కేసులు పెరుగుదల భయంకరంగా ఉంది.
Samayam Telugu 11 Apr 2021, 12:35 pm
మహారాష్ట్రలో కొవిడ్‌-19 ప్రమాద ఘంటికలు మోగిస్తోంది. రోజువారీ కేసులు రికార్డుస్థాయిలో నమోదవుతున్నాయి. కరోనా నియంత్రణకు ప్రస్తుతం రాత్రిపూట కర్ఫ్యూలు, వారాంతపు లాక్‌డౌన్‌లు అమలవుతున్నా పరిస్థితి రోజు రోజుకూ దిగజారుతోంది. ఈ నేపథ్యంలో ప్రజల ప్రాణాలను కాపాల్సిన అవసరం ఉన్నందున లాక్డౌన్ విధించడానికి మహారాష్ట్ర ప్రభుత్వం సిద్ధమవుతోంది. శనివారం జరిగిన అఖిలపక్ష సమావేశలో ముఖ్యమంత్రి ఉద్ధవ్ ఠాక్రే ఈ మేరకు సంకేతాలు వెలువరించారు.
కోవిడ్-19 కట్టడికి రెండు వారాల పాటు లాక్డౌన్ విధించే అవకాశం ఉందని ఈ సమావేశానికి హాజరైన నేతలు పేర్కొన్నట్టు విశ్వసనీయ వర్గాలు తెలిపాయి. లాక్డౌన్ కారణంగా తీవ్రంగా ప్రభావితమయ్యే పేదలు, రోజువారీ కార్మికులు, కూలీల సమస్యలను ప్రభుత్వం పరిష్కరిస్తుందని సీఎం ఉద్ధవ్ హామీ ఇచ్చారు. కరోనా కారణంగా ప్రభావితమవుతున్న వర్గాలను ఆదుకునేందుకు ఉద్దేశించిన ఆర్థిక ప్యాకేజీపై చర్చించేందుకు సోమవారం సమావేశం ఏర్పాటుచేశారు. లాక్డౌన్ పరిధి, ఎన్ని రోజులు? ఎలా అమలు చేస్తారు? వంటివి త్వరలో ఖరారుచేయనున్నారు.
వర్చువల్‌గా జరిగిన అఖిలపక్ష సమావేశంలో శివసేన, ఎన్‌సీపీ, కాంగ్రెస్‌ సంకీర్ణ ప్రభుత్వానికి చెందిన కీలక మంత్రులు, ప్రతిపక్ష నేత దేవేంద్ర ఫడణవీస్‌, కాంగ్రెస్‌ పార్టీ రాష్ట్ర అధ్యక్షుడు నానా పటోలే పాల్గొన్నారు. ముఖ్యమంత్రి తీసుకునే ఏ నిర్ణయానికైనా తమ పార్టీ నుంచి సంపూర్ణ మద్దతు ఉంటుందని పటోలే ఈ సందర్భంగా స్పష్టంచేశారు. అదే సమయంలో లాక్డౌన్ వల్ల తక్కువ ఇబ్బందులు ఉండాలని కోరుకుంటున్నట్టు తెలిపారు.
లాక్‌డౌన్‌పై నిర్ణయం తీసుకోవడానికి ముందు కొవిడ్‌-19 టాస్క్‌ఫోర్స్‌తో ముఖ్యమంత్రి ఆదివారం చర్చలు జరపనున్నారు. ప్రస్తుతం వారాంతాల్లో అమలుచేస్తున్న కఠిన లాక్‌డౌన్‌ను మిగతా రోజుల్లోనూ అమలుచేయనున్నారు. ఆహార ఉత్పత్తి, ఔషధాలు, వ్యాధి నిర్దారణ పరికరాల తయారీ సంస్థలకు లాక్డౌన్ నుంచి మినహాయింపు ఇవ్వనున్నట్టు సీనియర్ అధికారులు తెలిపారు. అత్యవసర విభాగాలను మాత్రమే అనుమతించనున్నారు. కోవిడ్ టాస్క్‌ఫోర్స్, ఆర్ధిక ప్యాకేజీలపై చర్చల తర్వాత సోమవారం లేదా మంగళవారం లాక్‌డౌన్‌పై ప్రకటన చేయనున్నట్టు తెలుస్తోంది.
కోవిడ్-19 కట్టడికి రెండు వారాల పాటు లాక్డౌన్ విధించే అవకాశం ఉందని ఈ సమావేశానికి హాజరైన నేతలు పేర్కొన్నట్టు విశ్వసనీయ వర్గాలు తెలిపాయి. లాక్డౌన్ కారణంగా తీవ్రంగా ప్రభావితమయ్యే పేదలు, రోజువారీ కార్మికులు, కూలీల సమస్యలను ప్రభుత్వం పరిష్కరిస్తుందని సీఎం ఉద్ధవ్ హామీ ఇచ్చారు. కరోనా కారణంగా ప్రభావితమవుతున్న వర్గాలను ఆదుకునేందుకు ఉద్దేశించిన ఆర్థిక ప్యాకేజీపై చర్చించేందుకు సోమవారం సమావేశం ఏర్పాటుచేశారు. లాక్డౌన్ పరిధి, ఎన్ని రోజులు? ఎలా అమలు చేస్తారు? వంటివి త్వరలో ఖరారుచేయనున్నారు.
వర్చువల్‌గా జరిగిన అఖిలపక్ష సమావేశంలో శివసేన, ఎన్‌సీపీ, కాంగ్రెస్‌ సంకీర్ణ ప్రభుత్వానికి చెందిన కీలక మంత్రులు, ప్రతిపక్ష నేత దేవేంద్ర ఫడణవీస్‌, కాంగ్రెస్‌ పార్టీ రాష్ట్ర అధ్యక్షుడు నానా పటోలే పాల్గొన్నారు. ముఖ్యమంత్రి తీసుకునే ఏ నిర్ణయానికైనా తమ పార్టీ నుంచి సంపూర్ణ మద్దతు ఉంటుందని పటోలే ఈ సందర్భంగా స్పష్టంచేశారు. అదే సమయంలో లాక్డౌన్ వల్ల తక్కువ ఇబ్బందులు ఉండాలని కోరుకుంటున్నట్టు తెలిపారు.
లాక్‌డౌన్‌పై నిర్ణయం తీసుకోవడానికి ముందు కొవిడ్‌-19 టాస్క్‌ఫోర్స్‌తో ముఖ్యమంత్రి ఆదివారం చర్చలు జరపనున్నారు. ప్రస్తుతం వారాంతాల్లో అమలుచేస్తున్న కఠిన లాక్‌డౌన్‌ను మిగతా రోజుల్లోనూ అమలుచేయనున్నారు. ఆహార ఉత్పత్తి, ఔషధాలు, వ్యాధి నిర్దారణ పరికరాల తయారీ సంస్థలకు లాక్డౌన్ నుంచి మినహాయింపు ఇవ్వనున్నట్టు సీనియర్ అధికారులు తెలిపారు. అత్యవసర విభాగాలను మాత్రమే అనుమతించనున్నారు. కోవిడ్ టాస్క్‌ఫోర్స్, ఆర్ధిక ప్యాకేజీలపై చర్చల తర్వాత సోమవారం లేదా మంగళవారం లాక్‌డౌన్‌పై ప్రకటన చేయనున్నట్టు తెలుస్తోంది.