ఇదేం జోక్.. స్విగ్గీపై ఉప్మా ప్రియుల ఆగ్రహం!

ప్రముఖ ఫుడ్ డెలివరీ యాప్ స్విగ్గీపై ఉప్మా ప్రియులు ఆగ్రహం వ్యక్తం చేస్తున్నారు. మా మంచి ఉప్మాను హేళన చేస్తారా..? అని మండిపడుతున్నారు. చెత్త అల్పాహారం ఏది.. అదేమైనా ఉప్మానా ఏంటి..? అంటూ స్విగ్గీ చేసిన ట్వీటే దీనికి కారణం. దీంతో ఉప్మా ప్రియుల ఆగ్రహం కట్టలు తెంచుకుంది. చెత్త ఫుడ్ డెలివరీ యాప్ ఏది..? అది స్విగ్గీనా..? అని ఓ ఉప్మా లవర్ ఘాటుగా సమాధానం ఇచ్చాడు.

మీరు డెలివరీ చేసిన ఉప్మా చెత్తగా ఉంటోంది. మేం ఇంట్లో చేసుకుంది ఎంతో బాగుందని మరో నెటిజన్ బదులిచ్చాడు. ఉప్మాను ద్వేషించే వాళ్లు ఇప్పటి వరకూ సరైన ఉప్మా తినలేదనుకుంటా. ఇది ఉప్మా ప్రేమికులను బాధించడమే. స్విగ్గీ యాప్ అన్‌ఇన్‌స్టాల్ చేసే టైం వచ్చిందని మరో నెటిజన్ ట్వీట్ చేశాడు.
ఇదే జోకే కావచ్చు కానీ ఆహారాన్ని హేళన చేసేలా మాట్లాడటం తగదని చాలా మంది నెటిజన్లు హితవు పలుకుతున్నారు. మీరు ఉప్మా డెలివరీ చేయనంత మాత్రాన.. దాన్ని చెత్త బ్రేక్‌ఫాస్ట్ అనలేరంటూ మరో ఉప్మా ప్రియుడు బదులిచ్చారు.