యాప్నగరం

దానికి ఆ నిర్వచనమే తెలియదు

ప్రపంచానికి పీడగా మారిన ఇస్లామిక్ తీవ్రవాదాన్ని నిర్మూలించేందుకు ఐక్యరాజ్యసమితి మరింతగా కృషి చేయాల్సిన అవసరం ఉందని ప్రధాని నరేంద్రమోడీ చెప్పారు.

TNN 31 Mar 2016, 7:32 pm
ప్రపంచానికి పీడగా మారిన ఇస్లామిక్ తీవ్రవాదాన్ని నిర్మూలించేందుకు ఐక్యరాజ్యసమితి మరింతగా కృషి చేయాల్సిన అవసరం ఉందని ప్రధాని నరేంద్రమోడీ చెప్పారు. విదేశీ పర్యటనలో ఉన్న ఆయన తీవ్రవాదుల దాడి జరిగిన బ్రస్సెల్స్ నగరాన్ని సందర్శించారు. దాడుల్లో మృతులకు నివాళులు అర్పించారు. రోజురోజుకు తీవ్రవాదం విస్తరిస్తోందని ఈ సందర్భంగా మోడీ చెప్పారు. తీవ్రవాదదాడులు సంభవించినపుడు ప్రపంచ దేశాలు స్పందించే తీరులో మార్పురావాలన్నారు. బెల్జియంలో నివసిస్తున్న ప్రవాస భారతీయులనుద్దేశించి ప్రసంగిస్తూ ఆయన ఐక్యరాజ్యసమితి గురించి సునిశిత వ్యాఖ్యలు చేశారు. ఆ సంస్థకు ఇప్పటికీ తీవ్రవాదం అంటే ఏమిటో సరైన నిర్వచనం తెలియకపోవడం శోచనీయమన్నారు. తీవ్రవాదాన్ని ప్రోత్సహిస్తూ తీవ్రవాదులకు అడ్డాగా మారిన దేశాలపై ఐక్యరాజ్యసమితి ఎటువంటి చర్యలు తీసుకోవడం లేదని ఆయన విమర్శించారు.
Samayam Telugu un does not know the definition of terrorism
దానికి ఆ నిర్వచనమే తెలియదు


తీవ్రవాదాన్ని మతం నుండి వేరుచేసి చూడాలని ప్రపంచానికి సూచించారు. మతం వేరు, తీవ్రవాదం వేరని, ఏ మతం కూడా హింసను ప్రోత్సహించదని వ్యాఖ్యానించారు. తీవ్రవాద బాధిత దేశంగా దశాబ్దాలుగా భారత్ ఎదుర్కొంటున్న సవాళ్లు, కష్టనష్టాల గురించి సెప్టెంబర్ 11 ప్రపంచ వాణిజ్య సంస్థ టవర్లపై దాడులు జరిగే వరకు ప్రపంచదేశాలకు అర్థం కాలేదన్నారు. ఎవరి సాయం ఉన్నా లేకున్నా భారత్ మాత్రం తీవ్రవాదంపై పోరును ఆపబోదని, తీవ్రవాదం ముందు మోకరిల్లజాలదని స్పష్టం చేసారు.

తరవాత కథనం

Telugu News App: ఏపీ, తెలంగాణకు సంబంధించిన లేటెస్ట్ అప్‌డేట్స్‌, జాతీయ, అంతర్జాతీయ, ఎడ్యుకేషన్, బిజినెస్, సినిమా, ఆధ్యాత్మికం, స్పోర్ట్స్, వైరల్ కథనాల కోసం తెలుగు సమయం యాప్‌ను డౌన్‌లోడ్ చేసుకోండి.
తాజా వార్తల అప్డేట్ల కోసం Samayam Telugu ఫేస్‌బుక్పేజీను లైక్ చెయ్యండి.