కోర్టు చెప్పింది మంచిదే.. కానీ ఇవ్వలేకపోతే ఉరేసుకోవాలా? కేంద్ర మంత్రి వివాదాస్పద వ్యాఖ్యలు

కరోనా వ్యాక్సిన్ కొరతపై వివాదాస్పద వ్యాఖ్యలు చేశారు కర్ణాటక మాజీ ముఖ్యమంత్రి, కేంద్ర మంత్రి సదానంద గౌడ. కరోనా వ్యాక్సిన్ కొరతపై వస్తున్న విమర్శలపై ఆయన తీవ్రంగా స్పందించారు. కోర్టులు చెప్పినన్ని వ్యాక్సిన్లు ఇవ్వలేకపోతే ఉరేసుకోవాలా? అని ఆయన ప్రశ్నించారు. మీడియా సమావేశంలో మాట్లాడిన సదానంద షాకింగ్ కామెంట్స్ చేశారు.

దేశంలో ప్రతి ఒక్కరికీ వ్యాక్సిన్ ఇవ్వాలని కోర్టు చెప్పడం మంచిదే.. కానీ రేపు ఇన్ని వ్యాక్సిన్లు ఇవ్వాలని కోర్టు చెబితే.. ఒకవేళ అన్ని వ్యాక్సిన్లు అందుబాటులో లేక ఇవ్వలేకపోతే ఉరేసుకోవాలా? అని ఆయన సంచలన వ్యాఖ్యలు చేశారు. ప్రతి ఒక్కరికీ వ్యాక్సిన్ అందించేందుకు ప్రభుత్వం చిత్తశుద్ధితో నిజాయతీగా పనిచేస్తోందని.. అయినా కొన్ని ఇబ్బందులు ఉన్న మాట వాస్తవమేనని సదానంద అన్నారు. మన పరిధిలో లేని కొన్ని విషయాలు ఉంటాయి.. వాటిని మనం నియంత్రించగలమా అని ఆయన ప్రశ్నించారు.

Also Read: