Uttar Pradesh: ఉత్తర ప్రదేశ్‌లోని ముజఫర్ నగర్‌కు చెందిన ఓ యువకుడు తీవ్రమైన కడుపు నొప్పితో హాస్పిటల్‌లో చేరాడు. అతడిని పరీక్షించిన డాక్టర్లకు అనుమానం వచ్చి ఎక్స్‌రే తీయించగా.. అతడి కడుపులో మెటల్ పదార్థాలు ఏవో ఉన్నట్టు గుర్తించారు. దీంతో రెండు గంటలపాటు శ్రమించి అతడి కడుపులో నుంచి 63 స్పూన్లను బయటకు తీశారు.
విజయ్‌కు ఆపరేషన్ నిర్వహించిన డాక్టర్ రాకేశ్ ఖురానా మాట్లాడుతూ.. ‘‘15 రోజుల క్రితం అతణ్ని నా దగ్గరకు తీసుకొచ్చారు. ఎక్స్‌ రే తీయగా.. అతడి కడుపు, పెద్ద పేగుల్లో మెటాలిక్ పదార్థాలేవో ఉన్నట్టు గుర్తించాం. అదే విషయాన్ని పేషెంట్ దగ్గర ప్రస్తావించగా.. తాను స్పూన్లు తిన్నానని చెప్పాడు. రెండు గంటలపాటు ఆపరేషన్ నిర్వహించాం. ఇలాంటి సర్జరీని మేమెప్పుడూ చేయలేదు’’ అని తెలిపారు.
విజయ్ కుమార్ మింగిన స్పూన్లన్నింటికీ ముందు భాగాన్ని తొలగించారు. ఆ తర్వాతే ఆయన వాటిని మింగగలిగారు. ఇప్పటి వరకూ ఈ ఘటనపై పోలీసులకు ఫిర్యాదు అందలేదు. కాగా పేషెంట్ స్పూన్లను ఎప్పుడు మింగాడనే విషయాన్ని కచ్చితంగా చెప్పలేమని డాక్టర్లు చెప్పారు.
విజయ్‌కు ఆపరేషన్ నిర్వహించిన డాక్టర్ రాకేశ్ ఖురానా మాట్లాడుతూ.. ‘‘15 రోజుల క్రితం అతణ్ని నా దగ్గరకు తీసుకొచ్చారు. ఎక్స్‌ రే తీయగా.. అతడి కడుపు, పెద్ద పేగుల్లో మెటాలిక్ పదార్థాలేవో ఉన్నట్టు గుర్తించాం. అదే విషయాన్ని పేషెంట్ దగ్గర ప్రస్తావించగా.. తాను స్పూన్లు తిన్నానని చెప్పాడు. రెండు గంటలపాటు ఆపరేషన్ నిర్వహించాం. ఇలాంటి సర్జరీని మేమెప్పుడూ చేయలేదు’’ అని తెలిపారు.
విజయ్ కుమార్ మింగిన స్పూన్లన్నింటికీ ముందు భాగాన్ని తొలగించారు. ఆ తర్వాతే ఆయన వాటిని మింగగలిగారు. ఇప్పటి వరకూ ఈ ఘటనపై పోలీసులకు ఫిర్యాదు అందలేదు. కాగా పేషెంట్ స్పూన్లను ఎప్పుడు మింగాడనే విషయాన్ని కచ్చితంగా చెప్పలేమని డాక్టర్లు చెప్పారు.