ప్రేమలో పడితే... ఏదైనా చేస్తుంటారు. అబద్ధాలు చెబుతుంటారు. మోసాలు చేస్తుంటారు. కన్న తల్లిదండ్రులను కూడా లెక్క చేయరు. ఎంతటివారినైనా ఎదురిస్తారు. ఎందుకంటే ప్రేమలో అంత పవర్ ఉంటుంది. దీనిని నిరూపించే సంఘటన మరొకటి చోటుచేసుకుంది. ఓ అమ్మాయి.. తను ప్రేమించిన అమ్మాయి కోసం ఏకంగా అబ్బాయిగా మారడానికి సిద్ధపడింది. దీనికోసం సంబంధిత చికిత్స పొందుతుంది. ఈ అరుదైన సంఘటన యూపీలో చోటుచేసుకుంది.
ఉత్తరప్రదేశ్లోని ప్రయాగ్రాజ్లో ఇద్దరు మహిళలు (లెస్బియన్లు) ప్రేమించుకున్నారు. అయితే వారి సంబంధాన్ని వారి కుటుంబాలు ఒప్పుకోలేదు. తీవ్రంగా వ్యతిరేకించాయి. తమ కుటుంబ సభ్యులను ఒప్పించాడానికి వారిద్దరూ ఎంతో ప్రయత్నించారు. కానీ ప్రయోజనం లేకపోయింది. చివరికి ఇద్దరూ ఒక నిర్ణయం తీసుకున్నారు. ఇద్దరిలో ఒక అమ్మాయి లింగ మార్పిడి శస్త్ర చికిత్స చేయించుకోవడానికి సిద్ధపడింది. దానికోసం ప్రయాగ్రాజ్లోని స్వరూప్ రాణి నెహ్రూ ఆస్పత్రిలోని వైద్యుల బృందాన్ని సంప్రదించారు. అలా చేసేందుకు డాక్టర్లు ఒప్పుకున్నారు.
ఇందులో భాగంగా యువతి శరీర పైభాగాలు, ఛాతీ పునర్నిర్మాణానికి వీలుగా లింగమార్పిడి శస్త్రచికిత్స చేశారు. ఓ మహిళకు టెస్టోస్టెరాన్ రీప్లేస్మెంట్ థెరపీ ఇస్తున్నామని డాక్టర్లు చెప్పారు. అయితే ఆమె .. అతడుగా మారడానికి సుమారు ఏడాదిన్నర పడుతుందని తెలిపారు. "మహిళకు టెస్టోస్టెరాన్ రీప్లేస్మెంట్ థెరపీ ఇవ్వబడుతుంది. టెస్టోస్టెరాన్ థెరపీ ఛాతీ, వెంట్రుకల పెరుగుదలను ప్రేరేపిస్తుంది." అని డాక్టర్ మోహిత్ జైన్ చెప్పారు. అలాగే లింగ మార్పిడి తర్వాత ఆమె గర్భం దాల్చే పరిస్థితి ఉండదన్నారు. ఇలాంటి అపరేషన్ని నిర్వహించడం ఇదో తొలిసారని కూడా చెప్పారు. అలాగే ఆ మహిళకు అన్ని ఆరోగ్య పరీక్షలు చేశామని, ఆమె బాగానే ఉందని తెలియజేశారు.
ఉత్తరప్రదేశ్లోని ప్రయాగ్రాజ్లో ఇద్దరు మహిళలు (లెస్బియన్లు) ప్రేమించుకున్నారు. అయితే వారి సంబంధాన్ని వారి కుటుంబాలు ఒప్పుకోలేదు. తీవ్రంగా వ్యతిరేకించాయి. తమ కుటుంబ సభ్యులను ఒప్పించాడానికి వారిద్దరూ ఎంతో ప్రయత్నించారు. కానీ ప్రయోజనం లేకపోయింది. చివరికి ఇద్దరూ ఒక నిర్ణయం తీసుకున్నారు. ఇద్దరిలో ఒక అమ్మాయి లింగ మార్పిడి శస్త్ర చికిత్స చేయించుకోవడానికి సిద్ధపడింది. దానికోసం ప్రయాగ్రాజ్లోని స్వరూప్ రాణి నెహ్రూ ఆస్పత్రిలోని వైద్యుల బృందాన్ని సంప్రదించారు. అలా చేసేందుకు డాక్టర్లు ఒప్పుకున్నారు.
ఇందులో భాగంగా యువతి శరీర పైభాగాలు, ఛాతీ పునర్నిర్మాణానికి వీలుగా లింగమార్పిడి శస్త్రచికిత్స చేశారు. ఓ మహిళకు టెస్టోస్టెరాన్ రీప్లేస్మెంట్ థెరపీ ఇస్తున్నామని డాక్టర్లు చెప్పారు. అయితే ఆమె .. అతడుగా మారడానికి సుమారు ఏడాదిన్నర పడుతుందని తెలిపారు. "మహిళకు టెస్టోస్టెరాన్ రీప్లేస్మెంట్ థెరపీ ఇవ్వబడుతుంది. టెస్టోస్టెరాన్ థెరపీ ఛాతీ, వెంట్రుకల పెరుగుదలను ప్రేరేపిస్తుంది." అని డాక్టర్ మోహిత్ జైన్ చెప్పారు. అలాగే లింగ మార్పిడి తర్వాత ఆమె గర్భం దాల్చే పరిస్థితి ఉండదన్నారు. ఇలాంటి అపరేషన్ని నిర్వహించడం ఇదో తొలిసారని కూడా చెప్పారు. అలాగే ఆ మహిళకు అన్ని ఆరోగ్య పరీక్షలు చేశామని, ఆమె బాగానే ఉందని తెలియజేశారు.