కాంగ్రెస్ నేత గులాం నబీ ఆజాద్‌కు కరోనా పాజిటివ్

కాంగ్రెస్ సీనియర్ నేత, రాజ్యసభలో విపక్ష నేత గులాం నబీ ఆజాద్ కరోనా వైరస్ బారినపడ్డారు. హోమ్ క్వారంటైన్‌లో ఉన్నట్లు తెలిపారు. శుక్రవారం (అక్టోబర్ 16) సాయంత్రం ఆయన ఈ విషయాన్ని ట్విటర్ ద్వారా వెల్లడించారు. ఇటీవల తనను కలిసిన వారందరూ తగిన జాగ్రత్తలు తీసుకోవాలని కోరారు. ఆజాద్‌కు ఎలాంటి లక్షణాలు లేకుండానే పాజిటివ్‌గా నిర్ధారణ అయినట్లు తెలుస్తోంది.

‘నేను కరోనా పరీక్షలు నిర్వహించుకోగా పాజిటివ్‌గా నిర్ధారణ అయింది. హోమ్ క్వారంటైన్‌లో ఉన్నాను. ఇటీవల నన్ను కలిసిన వారందరూ దయచేసి కరోనా ప్రోటోకాల్ ప్రకారం జాగ్రత్తలు తీసుకోవాల్సిందిగా కోరుతున్నాను’ అని ఆజాద్ ట్వీట్ చేశారు.


Also Read: ఆరోగ్య సేతు యాప్‌పై WHO ప్రశంసలు