వీడియో: ఔరా.. బాస్కెట్‌బాల్‌‌ను అలా తిప్పేస్తున్నాడు!

భారతీయ యువకుడొకరు టూత్‌బ్రష్‌పై బాస్కెట్‌బాల్‌ను గిరాగిరా తిప్పేస్తూ అందర్నీ అబ్బురపరుస్తున్నాడు. పంజాబ్‌కు చెందిన సందీప్ సింగ్ తాజాగా ఈ ఫీట్ చేసి గిన్నిస్ వరల్డ్ రికార్డ్స్‌లో చోటు దక్కించుకున్నాడు. 25 ఏళ్ల ఈ యువకుడు నోట్లో పెట్టుకున్న టూత్‌బ్రష్‌పై బాస్కెట్‌బాల్‌ను అద్భుతంగా బ్యాలెన్స్ చేస్తూ ఎక్కువ కాలం తిప్పినందుకు గిన్నిస్ రికార్డ్స్ బృందం ఈ గుర్తింపునిచ్చింది. 53 సెకన్ల పాటు బాస్కెట్‌బాల్‌ను అలాగే తిప్పుతూ చూపరులను ఆకట్టుకున్నాడు. ఇంతకు ముందు రికార్డు 6.84 సెకన్లుగా ఉంది. సందీప్.. ముందుగా తన చూపుడు వేలుపై బాస్కెట్‌బాల్‌ను స్పీడ్‌గా తిప్పుతూ.. కాసేపటి తర్వాత నెమ్మదిగా దాన్ని టూత్‌బ్రష్‌పైకి షిప్ట్ చేశాడు.

బాస్కెట్‌బాల్ క్రీడలోనూ మంచి నైపుణ్యం ఉన్న సందీప్ సింగ్ విన్యాసాన్ని ఈ వీడియోలో మీరూ చూడొచ్చు..