వీడియో: ఈ కూరగాయలమ్మ ఆంగ్లానికి అవాక్కవ్వాల్సిందే..!

ఇంగ్లిష్‌లో ఎవరైనా గడగడా మాట్లాడుతుంటే భలే ముచ్చటేస్తుంది. అయితే.. టెక్ దిగ్గజాలు, అధికారులు, సెలబ్రిటీలు, ఆయా రంగాల్లో ప్రముఖులు ఆంగ్లంలో అనర్గళంగా మాట్లాడితే పెద్దగా ఆశ్చర్యమేమీ లేదు. ఒక్కోసారి అతి సాధారణ ప్రజలు కూడా ఇంగ్లిష్‌లో మాట్లాడి ఆశ్చర్యం కల్గిస్తారు. మధ్యప్రదేశ్‌లోని ఇండోర్‌లో కూరగాయలు అమ్మే ఓ మహిళ సరిగ్గా ఇలాగే చేసింది. తన కూరగాయల బండిని తీసేసిన మున్సిపల్ కార్పొరేషన్ సిబ్బందిని ఇంగ్లిష్‌లో చెడా మడా కడిగేశారు. ఆమె ఇంగ్లిష్ ప్రావీణ్యం అక్కడున్న వారందరినీ విస్తుపోయేలా చేసింది.

కూరగాయలు అమ్ముకోకుండా అడ్డుపడితే.. తాను, తన కుటుంబం ఎలా బతకాలని ఆ మహిళ నిలదీసింది? తన పిల్లల్ని ఎలా పోషించాలని ప్రశ్నించింది. తమ బతుకులు తమను బతకనివ్వరా అని అధికారులను ప్రశ్నించింది. తాను, తన పూర్వీకులు ఏళ్లుగా కూరగాయలు, పండ్లు అమ్ముకుంటూ కుటుంబాన్ని పోషిస్తున్నారని ఆమె తెలిపింది.

తన పేరు రైసా అన్సారీగా తెలిపిన ఆ మహిళ.. తాను మెటీరియల్ సైన్సెస్ విభాగంలో ఎమ్మెస్సీ పూర్తి చేసినట్లు తెలిపింది. అంత చదువు చదివి మంచి ఉద్యోగం చూసుకోవచ్చుగా అని అడిగితే ఆమె ఏం సమాధానం చెబుతుందో వీడియోలో మీరే చూడండి..

Also Read: కరోనా వారియర్‌కు సలాం.. సింగపూర్‌లో భారత సంతతి నర్సుకు గౌరవం

Don't Miss: IAS, IPS మాదిరిగా ఇండియన్ మెడికల్ సర్వీస్ కావాలి