అన్నాడీఎంకేలో వర్గపోరు.. పన్నీర్ సెల్వంపై పళని వర్గం బాటిళ్లతో దాడి

అన్నాడీఎంకే పార్టీ జనరల్ కౌన్సిల్ సమావేశంలో గందరగోళం నెలకొంది. పార్టీ కో-ఆర్డినేటర్, మాజీ డిప్యూటీ సీఎం పన్నీరు సెల్వంపై కార్యకర్తలు వాటర్ బాటిళ్లతో దాడి చేశారు. అతడికి వ్యతిరేకంగా నినాదాలు చేశారు. వేదిక నుంచి బయటకు వెళ్లబోతుండగా ఆయనపై వాటర్ బాబాటిళ్లు విసిరారు. మాజీ సీఎంను ఈ దాడి నుంచి కాపాడేందుకు వలయంగా నిల్చున్న వ్యక్తిగత భద్రతా సిబ్బందిపై వాటర్ బాటిళ్లు పడ్డాయి. తర్వాత ఆయన సమావేశం నుంచి బయటకు వెళ్లిపోయారు. ప్రస్తుతం దీనికి సంబంధించిన వీడియో సోషల్ మీడియాలో వైరల్ అవుతుంది.

ఈ గందరగోళం మధ్య జనరల్ కౌన్సిల్ ప్రతిపాదించిన 23 తీర్మానాలను తిరస్కరించడం జరిగింది. పార్టీకి ఒకే నాయకత్వ వ్యవస్థను తిరిగి తీసుకురావడానికి ముందుగా ప్రయత్నించాల్సిన అవసరం ఉంది. ఈ అంశంపై చర్చించేందుకు మళ్లీ జూలై 11వ తేదీన పార్టీ జనరల్ కౌన్సిల్ సమావేశం కానుంది. అదే రోజున కొత్త అధ్యక్షుడి ఎన్నిక జరపాలని నిర్ణయించుకున్నట్టు సమావేశం.


మరోవైపు పార్టీలో ఓపీఎస్ మద్దతు తగ్గిందని పార్టీ వర్గాలు చెబుతున్నాయి. 75 మంది జిల్లా కార్యదర్శుల్లో 66 మంది ఈపీఎస్‌కు మద్దతు ఇవ్వగా.. కేవలం తొమ్మిది మంది ఓపీఎస్‌కు అనుకూలంగా ఉన్నారు. 2,500 మంది జనరల్ కౌన్సిల్ సభ్యుల్లో ఓపీఎస్ కేవలం 20 శాతం కంటే తక్కువ మంది మాత్రమే మద్దతునిస్తున్నారు. ఈ క్రమంలో జూలై 11న జరగనున్న కీలకమైన జనరల్ కౌన్సిల్ సమావేశంపైనే అందరి దృష్టి ఉంది.

కాగా పన్నీర్ సెల్వానికి ఫేవర్‌గా ఒక విషయం జరిగింది.. 23 తీర్మానాలపై మాత్రమే అన్నాడీఎంకే జనరల్ కౌన్సిల్ నిర్ణయం తీసుకోవచ్చని ఇతర అంశాలపై కేవలం చర్చ మాత్రమే జరగాలని మద్రాస్ హైకోర్టు ఆదేశాలు జారీ చేసింది. జనరల్ కౌన్సిల్ సభ్యుడు షణ్ముగం అభ్యర్థనతో కోర్టు ఇరుపక్షాల వాదనలు విని.. ఈ తీర్పును వెలువరించింది. దీంతో ఏక నాయకత్వంపై సర్వ సభ్య నిర్ణయం తీసుకునే అవకాశం లేకుండాపోయింది.