దాహమని అడగలేవు.. వాటినిలా బతికిద్దామా!

వేసవిలో నీటి చుక్క దొరకాలంటేనే గగనమే. మనుషులైతే కనీసం వాటర్ బాటిల్ లేదా శీతల పానీయాలను కొని దాహాన్ని తీర్చుకుంటారు. మరి, మూగ జీవుల పరిస్థితి ఏమిటీ? అందుకే,బెంగళూరులోని తుమ్కుర్‌కు చెందిన జైన్ సన్నీ హస్తిమల్ వాటి దాహార్తిని తీర్చేందుకు ‘వాటర్ ఫర్ ది వాయిస్‌లెస్’ను ప్రారంభించారు.

జంతువులు, పక్షుల దాహార్తిని తీర్చేందుకు ఈ సంస్థ నగర కూడళ్లలో నీటి తొట్టెలు (బౌల్స్) ఏర్పాటు చేస్తున్నారు. దీనికి మంచి ప్రచారం లభించడంతో దేశవ్యాప్తంగా పలు రాష్ట్రాల్లో ‘వాటర్ ఫర్ ది వాయిస్‌లెస్’ కింద నీటి తొట్టెలను ఏర్పాటు చేస్తున్నారు. దీన్ని స్ఫూర్తిగా తీసుకుని తమిళనాడులోని కొయంబత్తూరుకు చెందిన రీనా కొతారీ సైతం నగరంలో నీటి తొట్టెలు ఏర్పాటు చేస్తున్నారు. రీనాకు కొయంబతూర్‌లోని ‘హ్యుమనె యానిమల్స్ సొసైటీ’ సహకరిస్తోంది. ఇళ్లు, ఆఫీసు ప్రాంగణల్లోని నీటి తొట్టెలు ఏర్పాటు చేసి మూగజీవుల దాహార్తిని తీర్చండని కోరుతున్నారు. ఈ తొట్టెలను వారు ఉచితంగా సరఫరా చేస్తున్నారు. మీకు కూడా ఆసక్తి ఉంటే 9095353143 నెంబరుకు కాల్ చేయండి. (తమిళనాడులో ఉన్నవారు మాత్రమే)
Read this article in Tamil