మహిళలకు మసీదు ప్రవేశం.. ప్రతి శుక్రవారం ప్రార్థనలు

కేరళలో ముగ్గురు మహిళలు మసీదులోకి ప్రవేశించడానికి ప్రయత్నించడం ఇటీవల చర్చనీయాంశంగా మారింది. అయితే కొన్ని రాష్ట్రాల్లో మహిళలను మసీదులోకి అనుమతిస్తున్నారు. గతంలో మాదిరిగా కాకుండా ప్రతి శుక్రవారం ముస్లింల మహిళలు ప్రత్యేక ప్రార్థనలు చేసుకోవడానికి అంగీకారం తెలిపి వారికి సహకరిస్తున్నారు. పశ్చిమ బెంగాల్‌లోని బుర్థ్వాన్ జిల్లాలో ఉన్న మసీదులోకి మహిళలు ప్రతి శుక్రవారం వస్తున్నారు. ప్రత్యేక ప్రార్థనలు కూడా చేస్తున్నారు. గతంలో ఈద్ సమయంలో మాత్రమే మసీదు ఆవరణలోకి మహిళల్ని అనుమతించారు. తర్వాత ప్రార్థనలకు అవకాశం కల్పించారు. మూడు అంతస్తుల మసీదులోని రెండో ఫ్లోర్‌లో మహిళలు ప్రార్థనలు నిర్వహిస్తారు. పురుషులు మూడో ఫ్లోర్.. యువత గ్రౌండ్ ఫ్లోర్‌లో ప్రార్థనలు చేస్తారు.