మా నాన్న తల ఎక్కడ?: వీర జవాన్ కూతురు

పాకిస్థాన్ ఆర్మీ మూకల చేతిలో హతమైన ఇద్దరు భారత జవాన్లు ప్రేమ్ సాగర్, పరమ్ జిత్ సింగ్ ల అంత్యక్రియలు ముగిశాయి. సోమవారం సరిహద్దుల్లో గస్తీ కాస్తన్న వీరిపై పాక్ ఆర్మీ కాల్పులు జరిపి చంపేసింది. అంతటితో ఆగకుండా జవాన్లు తలలు తెగనరికింది.

ప్రేమ్ సాగర్ మృతదేహానికి అధికార లాంఛనాలతో బుధవారం ఉదయం తన స్వగ్రామం యూపీలో డియోరియాలో జరిగాయి. అయితే తన తండ్రి మృతదేహాన్ని తల లేకుండా తెచ్చారని.. ప్రేమ్ సాగర్ కుటుంబ సభ్యులు, గ్రామ ప్రజలు అంత్యక్రియలు జరగనీయలేదు. యూపీ సీఎం యోగి ఆదిత్యనాథ్ అర్థరాత్రి దాటక ప్రేమ్ సాగర్ పెద్ద కొడుకుకు ఫోన్ చేసి ఓదార్చారు. ప్రేమ్ సాగర్ 13రోజుల కర్మకాండ ముగిసేలోపు ఏదో ఒకరోజు ఇంటికొస్తానని హామీ ఇచ్చారు. అంతేగాకుండా ప్రేమ్ సాగర్ జ్ఞాపకార్దం స్కూలు నిర్మిస్తామని చెప్పారు. కుటుంబ సభ్యులను ఫోన్లో పరామర్శించారు.
‘ మాన్న త్యాగానికి ప్రతీకారంగా 50 మంది పాకిస్థానీయుల తలలు కావాలని’ ప్రేమ్ సాగర్ కూతురు ఆవేదన చెందింది.

అటు మరో అమరవీరుడు నహిబ్ సుబేదార్ పరమ్ జిత్ సింగ్ అంత్యక్రియలు జరగకుండా ఆయన కుటుంబ సభ్యులు తొలుత అడ్డుకున్నారు. తల లేకుండా తెచ్చిన మొండానికి అంగీకరించబోమని తెగేసి చెప్పారు. మృత దేహాన్ని కూడా చూపించడం లేదని ఆవేదన వ్యక్త చేశారు. అధికారులు పలుమార్లు జరిపిన చర్చలతో సింగ్ భార్యను మృతదేహాన్ని చూసేందుకు అనుమతించారు. తల లేని మృతదేహాన్ని చూసిన ఆయన భార్య అక్కడిక్కడే కుప్పకూలింది.

పరమ్ జిత్ సింగ్ తలలేని మృతదేహాన్ని చూసిన అతని 12 ఏళ్ల కూతురు ‘ మా తల ఎక్కడ?’ అంటూ అక్కడున్న వారందర్ని అమాయకంగా ప్రశ్నించడం కదలించింది. ఆ పాప అడిగిన ప్రశ్నకు ఎవరూ సమాధానం చెప్పలేకపోయారు.