జాతీయగీతాలాపన..ఫోన్లో ఎమ్మెల్యే ముచ్చట్లు

జాతీయగీతాలాపన సమయంలో ఓ ఎమ్మెల్యే సెల్ ఫోన్ ముచ్చట్లలో మునిగిపోయారు. ఈ సంఘటన ఆదివారం కలకత్తాలోని ఓ స్టేడియంలో జరుగుతున్న ఫుట్ బాల్ క్రీడా పోటీల్లో చోటు చేసుకుంది.

ఫుట్ బాల్ టోర్నమెంట్ ప్రారంభానికి ముందు జాతీయగీతం ఆలపించారు. టోర్నమెంట్ ప్రారంభానికి హాజరైన క్రీడాకారులు, అధికారులు, కోచ్ లు జాతీయ గీతాలాప చేస్తే వారితోపాటే ఉన్న బాలీ అసెంబ్లీ ఎమ్మెల్యే వైశాలి దాల్మియా మాత్రం సెల్ ఫోన్ మాట్లాడుతూ కనిపించారు.

కేవలం 52 సెకన్ల పాటు ఉండే జాతీయ గీతాలాపన సమయంలో కూడా ఓపిక లేకుండా...ప్రజాప్రతినిధులు ఇలా చేయడమేంటనీ సోషల్ మీడియాలో విమర్శలు గుప్పిస్తున్నారు. జాతీయ గీతాన్ని అవమానించారని వైశాలిపై మండిపడుతున్నారు.