అమ్మ వేద నిలయం అసలు గుట్టు ఇదీ!

పొయెస్ గార్డెన్‌లోని వేద నిలయంపై తమిళనాట ఆసక్తికరమైన చర్చ సాగుతోంది. తమిళనాడు మాజీ ముఖ్యమంత్రి, దివంగత నేత జయలలిత జీవిత కాలం గడిపిన పొయెస్ గార్డెన్‌లోని వేదనిలయం తమకు చెందాలంటే తమకు చెందాలని ఆమె స్నేహితురాలు శశికళ, మేనకోడలు దీపాజయకుమార్, అన్నాడీఎంకే పార్టీ, కేంద్ర ప్రభుత్వం పావులు కదుపుతున్నాయి. అమ్మ ఆస్తి ఆమె వారసులకు చెందుతుందనకుంటే, దీపక్, దీపలు ఇందుకు అర్హులు, లేదంటే ఆమెతో జీవితకాలం ఉన్నానని చెబుతోన్న శశికళకు ఇవ్వాలి. అలా కాకుండా జయలలిత స్మారక నిలయంగా మార్చేందుకు తమిళనాడు ప్రభుత్వం నడుం బిగించింది. ఈ నేపథ్యంలో దానిని జాతీయ చేయనుంది.

వీరంతా అమ్మపై ప్రేమతో ఆ ఇల్లు కావాలనుకోవడం లేదని తమిళ ప్రజలు గుసగుసలాడుకుంటున్నారు. వేదనిలయంలోని ఒక గది కోసమే వారంతా పాకులాడుతున్నారని పుకార్లు గుప్పమంటున్నాయి. జయలలిత సంపాదించిన సొత్తు మొత్తాన్ని వేద నిలయంలోని ఒక రహస్య గదిలో దాచి పెట్టారని, దాన్ని తెరవడం అంత సులభం కాదని అనుకుంటున్నారు. ఆ గదికి సంబంధించిన బయోమెట్రిక్ కీ జయలలిత దగ్గరే ఉందని, ఆమె కాలి ముద్రలతో మాత్రమే ఆ రహస్య తలుపును తెరవగలరని చెప్పుకుంటున్నారు. కాబట్టే ఆమె అంతిమ యాత్ర సందర్భంగా జయ భౌతికకాయాన్ని దగ్గర్నుంచి చూసిన వాళ్లు, కాళ్లు లేకపోవడాన్ని గుర్తించారని, ఆ మధ్య మీడియాలోనూ దీనిపై కథనాలు వెలువడ్డాయని అంటున్నారు.

తట్టు వ్యాధి కారణంగా కాళ్లు తొలగించాల్సి వచ్చిందని డాక్టర్ల దీనిపై క్లారిటీ ఇచ్చినా, సీక్రెట్ రూం, బయోమెట్రిక్ కీ లాంటి అనుమానాలు మాత్రం తొలగిపోలేదు. అక్రమాస్తుల కేసులో సుప్రీంకోర్టు తీర్పు వెల్లడించి, జైలు శిక్ష విధించిన రోజు రాత్రి శశికళ వేదనిలయంలోనే బస చేశారు. ఇది కూడా అనేక అనుమానాలకు తావిస్తుందని తమిళులు పేర్కొంటున్నారు. అసలు సీక్రెట్ గదిలో సొత్తు ఉందా? దాన్ని తరలించేశారా? అన్న అనుమానాలు కూడా వ్యక్తవుతున్నాయి. ఇంతకీ ఈ సీక్రెట్ గది నిజమా? కల్పనా? అన్నదానిపై పలువురు వివరణ ఇస్తూ, కొడనాడు ఎస్టేట్‌లో ఆస్తుల కొసమే దొంగతనం జరిగింది, అందులోనే విలువైన సంపద ఉండగా, జయలలిత అధికారిక నివాసంలో ఉండవా? అని లాజిక్కు తీస్తున్నారు.