ADG: భార్యను కొట్టాడు.. ఉద్యోగం ఊడింది
పేరు పురుషోత్తముడు.. డీజీ ర్యాంక్ అధికారి. కానీ, నీచపు బుద్ధిని ప్రదర్శించాడు. మరో మహిళతో అడ్డంగా దొరికాడు. ఇదేంటని నిలదీస్తే భార్యను కొట్టాడు.. ఆమె ఇలా ఇరికించింది! ఉద్యోగం ఊడిన తర్వాత ఆయన వాదన మరోలా ఉంది.
Samayam Telugu 28 Sep 2020, 4:52 pm
ఆయన పేరు పురుషోత్తం శర్మ. పనిచేస్తున్నది పోలీస్ డిపార్ట్‌మెంట్‌లో. పైగా అలాంటి ఇలాంటి ఉద్యోగం కాదు. రాష్ట్రానికి అడిషనల్ డైరెక్టర్ జనరల్ (ఏడీజీ). కానీ, భార్యను కొట్టాడు. అది కూడా మరో మహిళతో రెడ్ హ్యాండెడ్‌గా దొరికిపోయిన తర్వాత.. ఇదేమిటని ఆ ఇల్లాలు నిలదీస్తే కుటుంబ సభ్యుల ముందే అసభ్యంగా దూషిస్తూ కొట్టాడు. కానీ, అప్పటికే ఆమె తన ఏర్పాట్లు చేసుకుంది. ఆయనకు తెలియకుండా ఇంట్లో సీసీటీవీ కెమెరాలు పెట్టించారు. తన పట్ల అమానుషంగా ప్రవర్తించిన దృశ్యాలకు సంబంధించిన వీడియోను పోలీసు ఉన్నతాధికారులకు, ప్రభుత్వ ఉన్నతాధికారులకు సమర్పించారు. వాటిని పరిశీలించిన ప్రభుత్వం ఆయణ్ని ఉద్యోగం నుంచి తొలగిస్తూ ఉత్తర్వులు జారీ చేసింది. ఈ ఘటన మధ్యప్రదేశ్‌లో చోటు చేసుకుంది.
మధ్యప్రదేశ్ అడిషనల్ డైరెక్టర్ జనరల్ పురుషోత్తం శర్మ తన భార్యను కొడుతున్న వీడియో సోషల్ మీడియాలో వైరల్‌గా మారింది. దీంతో కుటుంబ వివాదం కాస్త రోడ్డున పడింది. పోలీసులు సేకరించిన ప్రాథమిక వివరాల ప్రకారం.. పురుషోత్తం శర్మ మరో మహిళతో వివాహేతర సంబంధం పెట్టుకున్నాడు. ఆమెతో ఏకాంతంగా ఉండగా.. ఆయన భార్య రెడ్ హ్యాండెడ్‌గా పట్టుకున్నారు. ఈ ఘటనపై పురుషోత్తం కుమారుడు పోలీసులకు ఫిర్యాదు చేశారు.
Must Read: నకిలీ కరోనా వ్యాక్సిన్ తయారీ..
మధ్యప్రదేశ్‌లో ఈ ఘటన దుమారం రేపుతోంది. దీంతో ప్రభుత్వం చర్యలు చేపట్టింది. సోమవారం (సెప్టెంబర్ 28) పురుషోత్తం శర్మను విధుల నుంచి రిలీవ్ చేసింది. అయితే.. ఉద్యోగం నుంచి తొలగించిన తర్వాత పురుషోత్తం వర్మ మరో విచిత్ర వాదన తెరపైకి తెచ్చారు. కుటుంబ గొడవను వివాదం చేశారని.. తానేమీ క్రిమినల్‌ను కాదని చెప్పుకొచ్చారు. తన భార్య తనను ఇలా ఇరికించిందని వ్యాఖ్యానించారు.
అది నా దురదృష్టం!
‘మాకు 32 ఏళ్ల కిందట వివాహమైంది. 2008లో ఆమె (భార్య) నాపై ఫిర్యాదు చేసింది. అయినప్పటికీ ఆమె నాతోనే కలిసి ఇంట్లో నివాసం ఉంటోంది. నా ఖర్చులతో సదుపాయాలను అనుభవిస్తోంది. విదేశీ ప్రయాణాలు కూడా చేసింది. ఒకవేళ నాది నేర స్వభావం అయితే.. ఆమె ఇంతకుముందు కూడా ఫిర్యాదు చేసి ఉండాలిగా.. ఇది పూర్తిగా కుటుంబ గొడవ. నేను నేరస్థుడిని కాదు. దుర్మార్గుడిని అంతకన్నా కాదు. అయినా.. ఇలాంటి పరిస్థితిని ఎదుర్కోవడం నా దురదృష్టం. నా భార్య నన్ను మోసం చేసింది. నాకు తెలియకుండా ఇంట్లో కెమెరాలను ఏర్పాటు చేయించింది’ అని పురుషోత్తం శర్మ మీడియా ముందు తన ఆవేదనను వ్యక్తం చేశారు. మరోవైపు.. ఆయనపై కఠిన చర్యలు తీసుకోవాలని మహిళా సంఘాలు డిమాండ్ చేస్తున్నాయి.
Don't Miss: గ్రామానికి నీటి కోసం కొండను తవ్వారు.. 250 మంది మహిళలు, 18 నెలలు
Watch Video: తనను డోలీలో మోసిన కూలీల కాళ్లకు దండం పెట్టిన బాలు
మధ్యప్రదేశ్ అడిషనల్ డైరెక్టర్ జనరల్ పురుషోత్తం శర్మ తన భార్యను కొడుతున్న వీడియో సోషల్ మీడియాలో వైరల్‌గా మారింది. దీంతో కుటుంబ వివాదం కాస్త రోడ్డున పడింది. పోలీసులు సేకరించిన ప్రాథమిక వివరాల ప్రకారం.. పురుషోత్తం శర్మ మరో మహిళతో వివాహేతర సంబంధం పెట్టుకున్నాడు. ఆమెతో ఏకాంతంగా ఉండగా.. ఆయన భార్య రెడ్ హ్యాండెడ్‌గా పట్టుకున్నారు. ఈ ఘటనపై పురుషోత్తం కుమారుడు పోలీసులకు ఫిర్యాదు చేశారు.
Must Read: నకిలీ కరోనా వ్యాక్సిన్ తయారీ..
మధ్యప్రదేశ్‌లో ఈ ఘటన దుమారం రేపుతోంది. దీంతో ప్రభుత్వం చర్యలు చేపట్టింది. సోమవారం (సెప్టెంబర్ 28) పురుషోత్తం శర్మను విధుల నుంచి రిలీవ్ చేసింది. అయితే.. ఉద్యోగం నుంచి తొలగించిన తర్వాత పురుషోత్తం వర్మ మరో విచిత్ర వాదన తెరపైకి తెచ్చారు. కుటుంబ గొడవను వివాదం చేశారని.. తానేమీ క్రిమినల్‌ను కాదని చెప్పుకొచ్చారు. తన భార్య తనను ఇలా ఇరికించిందని వ్యాఖ్యానించారు.
అది నా దురదృష్టం!
‘మాకు 32 ఏళ్ల కిందట వివాహమైంది. 2008లో ఆమె (భార్య) నాపై ఫిర్యాదు చేసింది. అయినప్పటికీ ఆమె నాతోనే కలిసి ఇంట్లో నివాసం ఉంటోంది. నా ఖర్చులతో సదుపాయాలను అనుభవిస్తోంది. విదేశీ ప్రయాణాలు కూడా చేసింది. ఒకవేళ నాది నేర స్వభావం అయితే.. ఆమె ఇంతకుముందు కూడా ఫిర్యాదు చేసి ఉండాలిగా.. ఇది పూర్తిగా కుటుంబ గొడవ. నేను నేరస్థుడిని కాదు. దుర్మార్గుడిని అంతకన్నా కాదు. అయినా.. ఇలాంటి పరిస్థితిని ఎదుర్కోవడం నా దురదృష్టం. నా భార్య నన్ను మోసం చేసింది. నాకు తెలియకుండా ఇంట్లో కెమెరాలను ఏర్పాటు చేయించింది’ అని పురుషోత్తం శర్మ మీడియా ముందు తన ఆవేదనను వ్యక్తం చేశారు. మరోవైపు.. ఆయనపై కఠిన చర్యలు తీసుకోవాలని మహిళా సంఘాలు డిమాండ్ చేస్తున్నాయి.
Don't Miss: గ్రామానికి నీటి కోసం కొండను తవ్వారు.. 250 మంది మహిళలు, 18 నెలలు
Watch Video: తనను డోలీలో మోసిన కూలీల కాళ్లకు దండం పెట్టిన బాలు