బెర్లిన్‌లో రాహుల్ ఏపీ నినాదం.. ప్రత్యేక హోదా మేమిస్తాం!

2019లో తాము అధికారిలోకి వస్తే.. ఆంధ్రప్రదేశ్‌కు ప్రత్యేక హోదా ఇస్తామని ఏఐసీసీ అధ్యక్షుడు రాహల్ గాంధీ బెర్లని వేదికపై స్పష్టం చేశారు. శుక్రవారం బెర్లిన్‌లో జరిగిన ఇండియన్ ఓవర్‌సీస్ కాంగ్రెస్ కార్యక్రమంలో ప్రేక్షకులు అడిగిన ప్రశ్నలకు ఆయన సమాధానం ఇచ్చారు. ఈ సందర్భంగా ఒకరు ఏపీకి ప్రత్యేక హోదా గురించి అడిగారు.

దీనిపై రాహుల్ సమాధానమిస్తూ.. ‘‘కేంద్ర ప్రభుత్వం ఏపీకి ప్రత్యేక హోదా ఇవ్వాలని నిర్ణయించింది. దీన్ని తేలిగ్గా తీసుకోకూడదు. 2019లో కాంగ్రెస్ పార్టీ అధికారంలోకి వస్తే తప్పకుండా ప్రత్యేక హోదా ఇస్తామని ఏపీ ప్రజలకు హామీ ఇస్తున్నా’’ అని తెలిపారు.బీజేపీ అధికారంలో లేని రాష్ట్రాలను ప్రధాని మోడీ బలహీనపరిచేందుకు ప్రయత్నిస్తున్నారని ఆరోపించారు.